Սուրբ Պատարագ և Հանրապետական մաղթանք Մայր Աթոռ Սուրբ Էջմիածնում` Հայոց բանակի 32-րդ տարեդարձի առիթով
ՄշակույթՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հունվարի 28-ին, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ, Սուրբ Գայանե վանքում Հայոց բանակի օրվա կապակցությամբ մատուցվեց Սուրբ Պատարագ: Պատարագիչն էր ՀՀ ԶՈՒ հոգևոր առաջնորդ Հոգեշնորհ Տ. Մովսես վարդապետ Սարգսյանը:
Իր քարոզում Հայր Սուրբը, անդրադառնալով խաղության խորհրդին, ի մասնավորի նշեց. «Սուրբ Գիրքը մեզ սովորեցնում է, որ Աստված խաղաղություն է կամենում, սակայն Աստծուն հավատացող մարդիկ են, որ պիտի խաղաղություն հաստատեն՝ անհրաժեշտության դեպքում նաև պայքարելով»:
Ըստ Հայր Մովսեսի՝ Սուրբ Եկեղեցին փաստել է, որ հանուն խաղաղության միշտ պետք է պատրաստ լինել պատերազմի ու պատերազմ պետք է մղել հենց խաղաղությունը վերահաստատելու և արդարությունը վերականգնելու համար, որովհետև Աստծո և բարեկամի նկատմամբ սերը ստիպում է քրիստոնյաներին արդարացի խաղաղություն փնտրել, իսկ այդ խաղաղությանը հասնելու համար ամենակարևոր պայմանը բանակն է:
«Սիրելիներ, հանուն խաղաղության ու անվտանգության բազմաթիվ պատերազմներ մղած ու այսօր էլ պատերազմի սպառնալիքներին դիմակայելու պատրաստ Հայոց բանակը տոնում է կազմավորման 32-րդ տարեդարձը, և բանա՛կն է շարունակում մնալ այն միակ ուժը, որը կարող է խաղաղություն հաստատել ու ապահովել պետության անդորրը: Մեր երկրի համար Աստծո պատգամած խաղաղությունը հաստատողն ու պարտադրողը ՀՀ Զինված ուժերն են, իսկ երանելի խաղաղարարներն այդ նույն զինված ուժերի հավատացյալ սպաներն ու զինվորները։ Տեր Հիսուս Իր կյանքը տվեց որպես խաղաղարար և սա այն գինն է, որ շատերը վճարեցին մեր երկրում խաղաղություն հաստատելու համար»,- ընդգծեց Մովսես վարդապետը՝ մաղթելով, որ Քրիստոսի սերը, շնորհներն ու զորակցությունը միշտ լինեն Հայոց բանակի հետ և յուրաքանչյուր զինծառայողի պարգևեն ամեն վայրկյան խաղաղությունը պարտադրելու կամք ու վճռականություն:
Պատարագի սրբազան արարողության ավարտին, Հայոց բանակի 32-րդ տարեդարձի առիթով հանդիսապետությամբ Մայր Աթոռ Սուրբ Էջմիածնի դիվանապետ Գերաշնորհ Տ. Արշակ արքեպիսկոպոս Խաչատրյանի, կատարվեց Հանրապետական մաղթանք, որի ընթացքում հոգևոր դասը և արարողությանը ներկա հավատացյալ ժողովուրդն աղոթք բարձրացրեցին առ Աստված Հայաստան աշխարհի խաղաղության, անսասանության և Հայոց բանակի հաղթական առաջընթացի համար:
1
2
3
4
5
1
2
4
5
3
4
