Սաուդյան Արաբիան չի բացառում Ասադի ռեժիմն ուժով տապալելու տարբերակը
Միջազգային
Սաուդյան Արաբիայի ԱԳ նախարար Ադել ալ-Ջուբեյրը հայտարարել է, որ հավանական է համարում այն տարբերակը, ըստ որի Սիրիայի նախագահն իր պաշտոնը կլքի «ուժի օգնությամբ»: «Արմենպրես»-ի հաղորդմամբ` ինչպես տեղեկացնում է «ՌԻԱ Նովոստի»-ն, CNN-ին տված հարցազրույցում դիվանագետը ն շել է, որ Բաշար Ասադը «անկասկած, ցանկացած դեպքում լքելու է պաշտոնը` կամ հրաժարական կտա, կամ էլ դա կարվի ուժի միջամտությամբ»:
«Մենք կողմ ենք սիրիական հակամարտության խաղաղ ճանապարհով կարգավորմանը, բայց եթե իրավիճակը փակուղի մտնի, ապա դա տեղի կունեն միայն անհնազանդ Ասադի ռեժիմի և նրա դաշնակիցների մեղքով: Այդ դեպքում այլ տարբերակ չի մնում, քան խնդրի` ուժի միջամտությամբ կարգավորումը»,-նշել է ալ-Ջուբեյրան:
Նրա խոսքով, Էր-Ռիադը պատրաստ է Սիրիա ուղարկել ցամաքային զորքեր, բայց միայն ԱՄՆ-ի կողմից ղեկավարվող կոալիցիայի կազմում: Նախօրեին Թուրքիայի Ինջիռլիք ավիաբազայի տարածք են ժամանել Սաուդյան Արաբիայի ռազմական ինքնաթիռները` մասնակցելու ԻՊ-ի դեմ մղվող պայքարին:
1
2
3
4
5
1
2
3
4
5
2
3
