Նոր հիստերիա․ Բաքուն հակադարձել է «հայամետ» Բորելին
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Մենք դատապարտում և մերժում ենք փետրվարի 13-ին Հայաստանի արտաքին գործերի նախարար Արարատ Միրզոյանի հետ համատեղ ասուլիսի ժամանակ Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի կողմից Ադրբեջանի հասցեին հնչեցված անհիմն մեղադրանքները»։
Այս մասին ասված է Ադրբեջանի ԱԳՆ հայտարարության մեջ։
Գերատեսչությունը, իրեն բնորոշ ագրեսիվ ու նյարդային հռետորաբանությամբ, նշել է, թե «ռազմական ագրեսիա իրականացրած հայկական կողմի վերաբերյալ Բորելի հիմնավորումը համարվում է Հայաստանի ռազմական սադրանքի անտեսում»։
«Ցավոք, ԵՄ-ն անտեսում է դիպուկահարի կրակոցից ադրբեջանցի զինծառայողի վիրավորումը հինգ ամիս կայունությունից հետո՝ առանց որևէ հրահրող գործոնների։ Սադրանքին ի պատասխան Ադրբեջանի ձեռնարկած քայլերը միանգամայն համարժեք էին և ունեին լոկալ բնույթ։ Այս միջոցառումները կանխեցին նաև ռազմական էսկալացիան ընդլայնելու՝ հայկական փորձերը։
Միևնույն ժամանակ ցանկանում ենք կրկնել, որ ափսոսանք է պատճառում զինված ուժերի դուրսբերման վերաբերյալ ԵՄ բարձր ներկայացուցչի առաջարկը, որը գործնական նշանակություն չունի։ ԵՄ-ն պետք է հաշվի առնի, որ «Եվրամիության առաքելության» ներքո հայկական կողմի սահմանամերձ շրջաններում տեղակայված վարձկանները վտանգ են ներկայացնում ադրբեջանական զինվորականների և քաղաքացիական բնակչության կյանքի համար»,- պնդել են Ադրբեջանի ԱԳՆ-ում՝ ի ցույց դնելով իրենց մեղադրանքների ու շանտաժի ամբողջ զինանոցը։
Հիշեցնենք, որ Սյունիքում Ներքին Հանդի ուղղությամբ թշնամու վերջին սադրանքի հետևանքով հայկական կողմն ունի 4 զոհ և վիրավորներ։
1
2
3
4
5
1
2
3
4
5
1
3
4
