Իրական սիրո 10 նախանշան

Սուրբ Վալենտինի կամ Բոլոր սիրահարների օրը տոն է, որը փետրվարի 14-ին նշում են աշխարհի կաթոլիկները։ Այն առաջին անգամ հիմնել է Հելասիուս I Հռոմի պապը 496-ին և ավելի ուշ հանվել Կաթոլիկ տոների օրացույցից՝ 1969-ին։ Ներկայումս այն տոնում են աշխարհի մոտ 100 երկրում, հիմնականում՝ արևմուտքի։ Այն համարվում է աշխատանքային օր բոլոր երկրների համար։

Այս անգամ, ի ուրախություն բոլոր սիրահարների, օրը կիրակի է, ու կարելի է հանգիստ վայելել սիրո բերկրանքը, միմյանց հաճելի անակնկալներ ու նվերներ մատուցել, սիրո գեղեցիկ խոստովանություններ անել։

Իսկ մենք ներկայացնում ենք իրական սիրո 10 նախանշան։

Առողջապահության Համաշխարհային Կազմակերպությունը սերը դասել է հոգեկան հիվանդությունների շարքին և, ինչպես այլ հիվանդությունները, այն ունի իր նշանները՝ կպչուն մտքեր, անքնություն, տրամադրության կտրուկ փոփոխություն, անսպասելի քայլեր, գլխացավ, ճնշման տատանումներ:

Իսկական սերը դժվար է բացատրել, սակայն կարելի է թվարկել մի շարք ակնհայտ նախանշաններ:

1. Դուք ոչ մի կասկած չունեք

Եթե Ամուրը կրակում է, ապա այդ կրակոցը լինում է դիպուկ՝ զոհին չթողնելով փրկվելու ոչ մի հնարավորություն: Մենք սիրահարվում ենք անդառնալի և ոչ բարեկամները, ոչ հանգամանքները, ոչ տարածությունը չեն կարող խանգարել այդ զգացմունքին: Դուք հստակ հասկանում և պարզ տեսնում եք ձեր ապագան այդ մարդու հետ մեկ, հինգ, տասը տարի հետո ու պատկերացնում եք նրան ամուսնու և ծնողի դերում:

2. Դուք չեք կարող պատասխանել «Ինչի՞ համար ես նրան սիրում» հարցին:

Ոչ թե որովհետև սիրուց կորցրել եք գիտակցությունը, ամոթը և հիշողությունը, այլ որովհետև դուք չունեք դրա պատասխանը: Դուք չեք սիրում հստակ որևէ բանի համար, այլ պարզապես, որ նա  կա: Դուք զգում եք, որ նա ձեր երկրորդ կեսն է:

3. Ուշադրություն չեք դարձնում ուրիշներին։

Դուք ամբողջությամբ ձեր զգոցմունքները տալիս եք այդ մարդուն և բոլորովին անտարբեր եք մնացածների նկատմամբ:

4. Ձեզ ապահով եք զգում

Սիրած մարդու հետ բոլոր իրավիճակներում ձեզ ապահով եք զգում: Նա մտնում է ձեր հարմարավետության շրջանակի մեջ: Ջերմությունը և հոգեկան միասնությունը թույլ է տալիս ձեզ լինել թուլացած և հանգիստ նրա կողքին:

5. Ձեր հարաբերությունները զարգանում են

Երբեմն ժամանակ է հարկավոր, որպեսզի սերը ձև ստանա: Եթե նախնական կրքերը հանդարտվում են, իսկ քնքշանք և հոգատարություն նվիրելու ցանկությունը մեծանում, ապա դա հենց սերն է:

6. Դուք դառնում եք ավելի լավը

Այս վառ զգացումով պատած մարդու մոտ առաջանում է աճելու և զարգանալու ցանկություն, դուք ուզում եք դառնալ ավելի հետաքրքիր, ավելի գրավիչ: Միաժամանակ, իրական սերը չի պահանջի ձեզանից արմատական փոփոխություններ: Սիրո մեջ չպետք է լինի ծանր աշխատանք, այլ՝ թեթև:

7. Սովորում եք ներել

Հավաքել նեղացվածությունները՝ անօգուտ գործ է: Սիրող մարդիկ միշտ պատրաստ են ներել միմյանց: Միշտ չէ, որ դա հեշտ է տրվում, երբեմն տարիներ են ձգվում: Նեղվածության զգացումը շատ ուժեղ է և հաճախ սիրո զգացմունքի շատ մեծ մրցակիցն է դառնում: Սակայն ուժեղ սերը կարող է հաղթել բոլոր նեղվածությունները և բուժել հոգեկան վերքերը:

8. Դուք մեկ թիմ եք

Դուք խաղում եք ընդհանուր կանոններով, չեք բողոքում սիրած մարդու թերություններից ուրիշների մոտ և վստահ եք, որ նա նույնպես այդպես է վարվում:

9. Դուք կարողանում եք լռել իրար հետ

Ուրախ ժամանակ անցկացնելը, հեռախոսով անընդհատ խոսելը միանշանակ իրար հանդեպ հետաքրքրության նշան է: Այսպիսի գիշերային խոսակցություններից են սկսում սիրո տարբեր պատմություններ: Սակայն երբեմն լռությունն ավելի է նշանակում: Եթե լռությունը ձեր միջև չի դառնում անհարմար ընդմիջում, սկսում է երկու հոգիների լուռ երկխոսությունը:

10. Մեր զգացմունքները կարող են հավերժ չլինել

Սիրահարների մեջ գոյություն ունի միֆ, որ իրական սերը կյանքում մեկ անգամ է լինում: Եթե սիրել ես, ապա երբեք չես դադարի, իսկ եթե կորցրել ես, ապա այլևս նույնը չես զգա: Սակայն կյանքում ամեն ինչ փոխվում է: Սերը նույնն է, ինչ հեծանիվ քշել սովորելը՝ եթե մեկ անգամ սովորեցիր, ապա չես մոռանա: Ցավալի անկումից հետո, կարելի է վեր կենալ, շարունակել ընթանալ դեպի նոր սեր:

Շատ է խոսվում, որ մեզ համար Վալետինի օրն արհեստածին է, արևմտյան արժեքների կեղծ ներարկում, որ մենք մեր ազգային տոներն ունենք՝ Սուրբ Սարգսի, մարտի 8, ապրիլի 7, և նախընտրելի է մեզանում հենց այդ օրերը նշվեն։ Դա առանձին ու լուրջ քննարկման թեմա է, իսկ այսօր շնորհավորում ենք բոլոր սիրահարներին և որպես նվեր ներկայացնում ամերիկյան խմբի կողմից հայկական հիասքանչ երգի կատարում․