ԵՄ-ն մասնակիորեն հանել է Բելառուսի և Լուկաշենկոյի նկատմամբ սահմանված պատժամիջոցները
Միջազգային
Եվրոպական միության արտաքին գործերի նախարարների խորհուրդը մասնակիորեն վերացրել է Բելառուսի նկատմամբ գործող սահմանափակումները: Այդ թվում, այն սահմանափակումները, որոնք սահմանված էին նախագահ Ալեքսանդր Լուկաշենկոյի նկատմամբ: Այս մասին հաղորդում է«Արմենպրես»-ը, հղում կատարելով «Ինտերֆաքսի»-ն, որին հաղորդել է խորհրդի իր աղբյույրը:
Աղբյուրը տեղեկացրել է, որ հանվում են 170 ֆիզիկական և 3 իրավաբանական անձանց նկատմամբ սահմանված պատժամիջոցները: Հանվել են ֆիզիկական անձանց նկատմամբ այն պատժամիջոցները, որոնք վերաբերում են Եվրոպայում բանկային ակտիվների սառեցմանը, Եվրամիություն մուտքի արգելքին: Այդ ֆիզիկական անձանց թվում Լուկաշենկոն է:
Պատժամիջոցների մասնակի հանելու մասին տեղեկատվությունը մամուլի ասուլիսում հաստատել է Գերմանիայի արտաքին գործերի նախարար Ֆրանկ Վալտեր Շտայնմայերը: Նա նշել է, որ պատժամիջոցների հանման հիմնական նախապայմանը եղել է բոլոր քաղաքական բանտարկյալների ազատ արձակումը:
«Մենք, իհարկե, այդքան էլ միամիտ չենք, որ հավատանք, թե Բելառուսը կփոխվի մեկ օրում: Մենք հետևելու ենք իրադարձությունների զարգացմանը»,-ասել է Ֆրանկ Վալտեր Շտայնմայերը:
1
2
3
4
5
1
2
3
4
5
2
3
