Փետրվարի 16-ի աստղագուշակ

Խոյ

Խոյերի համար օրը հագեցած է ոչ միայն հոգսերով, այլև զգացմունքներով: Չեն բացառվում ֆորսմաժորային իրավիճակները: Անձնական և գործնական կյանքում կարևոր կլինեն ֆինանսավորման, ռեսուրսների պաշտպանության և բաշխման հետ կապված հարցերը: Այդ ֆոնի վրա կխորանա մասնագիտական կամ ընտանեկան կոնֆլիկտը, կբարդանա ընթացիկ բիզնես առաջադրանքը: Սիրո մեջ կուժգնանա կապվածությունը, խանդը, սիրավեպը կարող է ճակատագրական երանգ ստանալ:

Ցուլ

Ցուլերից օրը պահանջում է ինքնատիրապետում և ճիշտ մարտավարություն: Հրատապ հարցերը, որ այժմ լուծում եք, կսրվեն: Կարող են կրիտիկական կետի հասնել բնակարանի, տարածքի, բիզնեսի հետ կապված հարցերը: Միաժամանակ կարող է լարվել հոգեբանական վիճակը՝ հատկապես ընտանիքում: Ցանկալի է տարանջատել ձեր առջև դրված կոնկրետ առաջադրանքները դրանց հետ կապված ձեր էմոցիաներից:  Լավագույն պահը չէ վերանորոգման աշխատանքների համար:

Երկվորյակ

Երկվորյակների համար առաջին պլան են դուրս ես գալիս անհրաժեշտության և անվտանգության նկատառումները: Ստիպված կլինեք կատարել տհաճ, բայց անխուսափելի պարտականություններ: Հնարավոր է բացասական էմոցիաների մղում: Կարող է խորանալ կոնֆլիկտը՝ մի կողմից ստեղծագործական մտահղացումների, սիրային ձգտումների, հանգստի ծրագրերի, մյուս կողմից՝ դաժան իրականության միջև: Անհրաժեշտ է պատասխանատու վերաբերվել առողջությանը:

Խեցգետին

Խեցգետինները լավ պոտենցիալ ունեն, սակայն դրա իրագործումը կպահանջի դժվարությունների հաղթահարում: Օրվա նախաձեռնությունների հեռանկարները միանշանակ չեն: Եթե ջանքեր և հոգի դնեք, սակայն բաց թողնեք որոշ կարևոր նրբություններ, կարող եք ստանալ համեստ, ձեր իրական տաղանդների մասին ոչինչ չասող արդյունք: Ցանկությունների և հնարավորությունների կոնֆլիկտը կարող է շատ տհաճ ձև ստանալ: Աստղերը խորհուրդ են տալիս գնահատել ունեցածը:

Առյուծ

Առյուծները ճիշտ կանեն իրենց էներգիան ուղղել բարի, այլ ոչ կործանիչ նպատակների: Լավագույն օրը չէ նախաձեռնությունների համար, սակայն կարող է հրատապ գործ ի հայտ գալ: Անհրաժեշտ է տարբերել իրական անհրաժեշտությունը և սեփական անսանձ ցանկությունները, այլապես ռիսկի եք դիմում կոտրել այն, ինչը համարում եք ձեր կենսական հիմքը և հիմնական նպատակը: Օրվա հոգեբանական վտանգներն են՝ դյուրագրգիռությունը, համառությունը, խանդը:

Կույս

Լարվածության օջախները Կույսերն այսօր կարող են ի շահ իրենց օգտագործել, մասնավորապես՝ իրենց հեղինակության և մասնագիտական համբավի ամրապնդման համար: Սակայն աստղերը զգուշացնում են, որ այդ գործում կարող եք հոգեկան մեծ ուժեր վատնել և բախվել մի շարք տհաճությունների հետ: Եթե դրան պատրաստ չեք, իսկ իրադրությունը պահանջում է կողքից հետևել, չարժե ինքնակամ ձգտել հայտնվել իրադարձությունների էպիկենտրոնում:

Կշեռք

Կշեռքները ճիշտ կանեն ուժեղացնել ռեսուրսների վերահսկումը: Այժմ հնարավոր են ինչպես գումարային մուտքեր, այնպես էլ կորուստներ: Անցանկալի են համատեղ նախաձեռնությունները, քանի որ այսօրվա նախագծերը՝ ներառյալ փորձարարականները, կարող են ընթանալ ամենառիսկային սցենարներով: Կարող է ուշադրություն պահանջել բանկային հաշիվներում միջոցների տեղաշարժը: Ստուգումների պատճառով հնարավոր է ֆինանսական գործողությունն ընդհատվի:

Կարիճ

Կարիճների մոտ այսօր հավելյալ նպատակաուղղվածություն կառաջանա: Ակտիվության կարող է մղել արտաքին գործոնը, օրինակ՝ վերևից հրամանը: Գործողությունների համար էներգիան կարելի է քաղել ագրեսիայից, գրգռվածությունից: Օրը հարմար է դժվար, բայց հեռանկարային նախաձեռնությունների համար: Նույնիսկ եթե չհասնեք գլխավոր նպատակին, ձեզ համար լավ փոխհատուցում կլինի նաև դրական կողմնակի ազդեցությունը:

Աղեղնավոր

Աղեղնավորների արդյունավետ գործունեության համար կարող են արգելքներ ստեղծել ինչ-որ մեկի գաղտնի ինտրիգները: Բացառված չէ, որ ինչ-որ մեկը փորձի ձեզ հետ հաշիվ մաքրել: Հնարավոր են նաև էմոցիոնալ արգելքներ, որոնք ինքներդ կստեղծեք: Արժե հաշվի նստել ձեր իրական անձնական հնարավորությունների հետ, որոնք ունեք տվյալ պահին: Չնայած բարդացումների հավանականությանը՝ չարժե հրաժարվել գործողություններից, ջանքերն իզուր չեն կորչի:

Այծեղջյուր

Այծեղջյուրները ճիշտ կանեն շարժվել իրենց ուղով և հետևել սեփական հաշվարկներին: Ավելի հեշտ ճանապարհ ընտրելու բոլոր փորձերն անհաջող կլինեն: Եթե կոփված մարդ եք, կկարողանաք հաղթահարել բոլոր արգելքները կամ ժամանակին կանգ առնել և կորուստները հասցնել նվազագույնի: Կոնկրետ գործողությունների փոխարեն բնազդաբար կկենտրոնանաք ռազմավարության ծրագրման վրա: Փորձի պակասի դեպքում՝ լուծում կհուշեն ավագ ընկերները:

Ջրհոս

Ջրհոսներին լարված օրեր են սպասվում: Հող է նախապատրաստվում կոնֆլիկտների և սուր մրցակցության համար: Եթե փառասեր եք և լավ մարզավիճակում եք, արժե ընդունել խաղի կանոնները: Հին գիտելիքներն ու փորձն օգտագործելով նոր պայմաններում՝ կբարձրացնեք ձեր որակավորումը և ավելի ինքնավստահ կդառնաք: Գործողություններից հետո անհրաժեշտ կլինի համբերություն, քանզի ջանքերի արդյունքները կարող են պարզ դառնալ հաջորդ օրը:

Ձկներ

Ձկներին խորհուրդ չի տրվում կորցնել ինքնավստաությունը՝ ցանկացած պարագայում: Ձեզ կարող են անհանգստացնել անձամբ ձեզ կամ ուրիշների առաջ ձեր պարտականությունների հետ կապված չկանխատեսված դեպքերը: Իրենց ավելի հանգիստ կզգան նրանք, ովքեր ունեն սեփական արժեքային համակարգ, լավ խորհրդատու, պաշտպան, օգնական: Հարմար օր է ստեղծագործական փորձի համար, սակայն վտանգի առաջին իսկ նշանների դեպքում ավելի լավ է վերադառնալ նախկին ուղուն: