Արթուր Նալբանդյանն իրեն ընկեր է սարքել ավազակներին ու գողերին. Ալավերդու բնակիչ

Լոռու մարզպետ Արթուր Նալբանդյանի գլխին կուտակված սև ամպերի շվաքի ներքո լարված ու համառ նախընտրական պայքար է ընթանում մարզպետի հարազատ քաղաք Ալավերդիում:

Արթուր Նալբանդյանը քաղաքապետի պաշտոնում առաջադրել է Կարեն Փարամուզյանին, ում հետ բիզնես համագործակցություն և ընդհանուր շահեր ունի վերջին տարիներին, իսկ ընդդիմադիր դիրքերից հանդես են գալիս մարզպետի երբեմնի աջակից և բարեկամ համարվող Աբգարյան եղբայրները՝ Տարոնն ու Արթուրը:

Ալավերդցիները այս ընտրություններում մարզպետի հաղթելու հնարավորությունները ցածր են գնահատում. նշում են, որ վերջին տարիներին քաղաքում ոչինչ դեպի լավը չի փոխվել, Նալբանդյանը ոչ մի լավ բան սեփական քաղաքի համար չի արել, միակ փոփոխությունը, որ կա՝ դա մարզպետի օր-օրի հարստանալն ու իրականությունից և մարդկանցից կտրվելն է: Մարզպետի մասին խոսելիս՝ Սանահինցի Հակոբ պապը, ով ծնվել ու մինչ օրս ապրում է Ալավերդիում, զայրացած շեշտում էր,-ՙՙ Արթուր Նալբանդյանն իրեն ընկեր է սարքել ավազակներին ու գողերին, քաղաքը թալանում էին հերիք չէ, հիմա էլ ամբողջ Լոռու մարզն են թալանում, փողով փարոսի անդամ են սարգում մարդկանց, իսկ խեղճերի ձեռքից օրվա հացի փողն էլ են խլում: Մենք անտեր ենք մնացել: Մեր թագավոր-պրեզիդենտը ինչա էս ամենը չի տենում, սրանք մեզ սաղ սաղ թաղում են՚՚:

Իր թեկնածուին օգնելու համար մարզպետը դիմում է այլևայլ հնարքների ու խախտումների: Ներկայումս Ալավերդցիների դեմ Նալբանդյանի պայքարը պատվի և ուժի դրսևորման նոր ձև է ստացել, Նալբանդյանի համար պատվի ու ճակատագրի հարց է՝ անկախ նրանից՝ հասարակությունը իր կողմն է թե ոչ, նա իր առաջ խնդիր է դրել հաղթել Ալավերդի քաղաքին:

Սակայն վերջին շրջանում տարածված լուրերի համաձայն արդեն լուրջ օգնության կարիք է զգում ինքը՝ հասարակության կողմից այդպես էլ չնդունված ու չսիրված մարզպետ Արթուր Նալբանդյանը: Համաձայն շրջանառվող լուրերի՝ պաշտոնավարման ընթացքում ունեցած անհաջողությունների, կառավարության կողմից առաջադրված խնդիրները լուծելու անկարողության արդյունքում, մարզպետը հայտնվել է պաշտոնից ազատվելու և հեղինակազրկվելով աշխատանքից հեռացման վտանգի առաջ: Մարզպետի՝ պաշտոնից ազատման կարևոր առիթ են դարձել նաև նրա մասին պարբերաբար շահարկվող հանցավոր անցյալին և կրթական ցածր մակարդակին վերաբերվող ու լոռեցիների դժգոհությունները ներկայացնող խոսակցությունները:

Մեր տեղեկությունների համաձայն քաղաքապետի թեկնածու Կարեն Փարամուզյանը ի սկզբանե դեմ է եղել մարզպետի կողմից իր թեկնածության առաջադրմանը, սական չի կարողացել դիմադրել մարզպետի և իրենց ընդհանուր ընկերներ ճնշումների, Կարեն Փարամուզյանը ստիպողաբար ընդունել է մարզպետի որոշումը, քանզի նա մարզպետի առաջ դեռևս չփակված պարտքեր ունի, ինչը վերագրվում է «Վալեք գրուպի» հետ Փարամուզյանի ունեցած խնդիրներին։ Ժամանակին դրանք հարթվել էին մարզպետ Արթուր Նալբանդյանի միջամտությամբ: Կարեն Փարամուզյան դժկամությամբ է մասնակցում իր շտաբի կողմից կազմակերված նախընտրական հանդիպումներին և ընկերների շրջանում պարբերաբար նշում է, որ ընտրություններից հետո Նալբանդյանը իրեն մենակ կթողի քաղաքի հոգսերի և խոստումների հետ, իսկ ինքը կշարունակի որպես մարզպետ միլիոններ աշխատել, ինչպես տեղի է ունեցել գործող քաղաքապետի հետ:

Ռոբերտ Գրիգորյան