ՄԱԿ-ի տվյալներով՝ Եմենում հումանիտար օգնության կարիք ունի ավելի քան 21 մլն մարդ
Միջազգային
Եմենում հումանիտար աղետ է, որը խորանում է նրանով, որ հակամարտության կողմերը խոչընդոտում են բնակչությանն օգնություն ցուցաբերելուն: Այդ մասին, ինչպես տեղեկացնում է«Արմենպրես»-ը, հայտարարել է ՄԱԿ-ի գլխավոր քարտուղարի հումանիտար հարցերով տեղակալ Սթիվեն Օ՛Բրայենը՝ ելույթ ունենալով Անվտանգության խորհրդի նիստում, որը գումարվել էր Ռուսաստանի նախաձեռնությամբ:
«Այժմ, հակամարտության սկսվելուց գրեթե մեկ տարի անց, ինչպես երբեք կարեւոր է հակազդել Եմենում ծավալվող հումանիտար աղետին»,- ասել է նա:
Ըստ ՄԱԿ-ի վերջին գնահատումների՝ Եմենում հումանիտար օգնության կարիք ունի ավելի քան 21 մլն մարդ, ինչը կազմում է երկրի բնակչության շուրջ 80 տոկոսը:
Գլխավոր քարտուղարի տեղակալը ճշտել է, որ 7,6 մլն մարդ սննդամթերքի սուր պակաս ունի, իսկ 14 մլն մարդ զրկված է առողջապահության ոլորտի ծառայություններից օգտվելու հնարավորությունից: Ընդ որում 600 բուժհիմնարկներ ավերվել կամ ամբողջովին ոչնչացվել են մարտական գործողությունների հետեւանքով:
Ինչպես հայտնել է Օ՛Բրայենը, 2015 թվականի մարտին Եմենում զինված հակամարտության սկսվելուց հետո զոհվել է ավելի քան 6 հազար մարդ, որոնց կեսը խաղաղ բնակիչներ են, իսկ վիրավորների թիվը գնահատվում է 29 հազար, հաղորդել է ՏԱՍՍ-ը:
1
2
3
4
5
1
2
3
4
5
2
3
