Նետաձիգները կմասնակցեն Բուլղարիայում կայանալիք Եվրոպայի գավաթի խաղարկությանը

Երևանի Շենգավիթի համալիր մարզաձևերի մանկապատանեկան մարզադպրոցում ավարտվել է նետաձգության ՀՀ ձմեռային առաջնությունը, որին մասնակցել են Երևան քաղաքի 60-ից ավելի մարզիկներ: Կանանց պայքարում առաջնության հաղթողներ են ճանաչվել Մերի Խաչատրյանը , Հայկուհի Մարգարյանը, Մարիա Մաթևոսյանը: Տղամարդկանց պայքարում առաջնության հաղթողներ են դարձել Վասիլ Շահնազարյանը, Վիգեն Սմբատյանը, Գևորգ Հազարումյանը

Ինչպես «Արմենպրես»-ի հետ զրույցում նշեցՀայաստանի նետաձգության ավագմարզիչ Բորիս Վասիլյանը, այս մրցաշարի հիմնական նպատակը մարզաձեւի մասսայականացումն է, քանի որ տարին օլիմպիական է, ֆեդերացիան որոշում է կայացրել չմասնակցել նետաձգության Եվրոպայի եւ աշխարհի ձմեռային առաջնություններին: Փոխարենը կենտրոնանալու են ամառային առաջնությունների վրա: Մարտի 14-17-ը նետաձգության ամառային առաջնությունը, որի արդյունքում կձեւավորվի հավաքականը, որն էլ ապրիլի 10-17-ը կմասնակցի Բուլղարիայում կայանալիք նետաձգության Եվրոպայի գավաթի խաղարկության առաջին փուլին: Այնուհետեւ պարզ կդառնա, թե հավաքականի կազմում հատկապես որ մարզիկները կմասնակցեն Անթալիայում հունիսի 11-20-ը կայանալիք աշխարհի գավաթի առաջնությանը: Այս առաջնությունը նաեւ վարկանիշային է, և լավագույն արդյունք ցուցաբերած մարզիկները Օլիմպիական խաղերի ուղեգրեր կնավաճեն: