Լրագրողները Ջոնի Դեփին համարել են ծեր և գեր (լուսանկար)

Life.panorama.am-ը գրում է.

Grammy մրցանակաբաշխության ժամանակ բեմին հայտնված հոլիվուդյան դերասան Ջոնի Դեփը  լրագրողներին թվացել է  գիրացած և ծերացած։

52-ամյա Դեփը ժամանել է  փառատոնին «ճմրթված» տեսքով։  Բացի այդ, հեղինակները նշում են, որ Ջոնի Դեփը կարծես իր ուղեկիցների՝ 68-ամյա Էլիս Կուպերի և Aerosmith-ի անդամ  65-ամյա  Ջո Փերիի հասակակիցը լիներ։ Նշվում է, որ Ջոնիի տաբատը չափից դուրս երկար էր, իսկ ժիլետը՝ նեղ։

Դեփը, Կուպերը և Փերին Grammy-ում հանդես են եկել որպես The Hollywood Vampires («Հոլիվուդյան վամպիրներ») երաժշտական կոլեկտիվի անդամներ։  Նրանք կատարել են իրենց սեփական երգը, ինչպես նաև Motorhead խմբի Ace Of Spades երգը՝ ի հիշատակ այդ խմբի հիմնադիր Լեմի Կիլմեստերի, որը մահացել էր 2015 թվականի դեկտեմբերին։

Հայտնվելով կարմիր գորգին՝  Ջոնի Դեփը  լրագրողներին հայտնել էր, որ իրեն համարում է «հաջողակ տղա», քանի  որ պատիվ ունի ռոք-ն-ռոլ նվագել նման հայտնի երաժիշտների հետ։

Ջոենի Դեփը հայտնի դերասան է, բայց նա հետաքրքրվում է նաև երաժշտությամբ։ 16 տարեկանում նա թողել է դպրոցը, որպեսզի զբաղվի երաժշտությամբ։ Նա անդամակցել է The Kids խմբին, որը ելույթ էր ունենում գիշերային ակումբներում։ 2015 թվականին Դեփը Էլիս Կուպերի և   Ջո Փերիի հետ հիմնել են Hollywood Vampires խումբը։