Չեմպիոնների լիգայի 1/8 եզրափակիչում «Ռոմա» -ն պարտվեց «Ռեալ Մադրիդ»-ին, «Գենտ» - ը՝ «Վոլֆսբուրգ» -ին
Սպորտ
Չեմպիոնների լիգայի 1/8 եզրափակիչի առաջին խաղում իտալական «Ռոմա»-ն սեփական հարկի տակ ընդունեց Մադրիդի «Ռեալ»-ին, իսկ բելգիական «Գենտ»-ը՝ գերմանական «Վոլֆսբուրգ»-ին: «Արմենպրես»-ի հաղորդմամբ՝ «Ռոմա»-- «Ռեալ Մադրիդ» խաղի հաշիվը հանդիպման 57-րդ րոպեին բացեց Կրիշտիանու Ռոնալդուն: 86-րդ րոպեին Խոսե Ռոդրիգեսը կրկնապատկեց խաղի հաշիվը: «Ռեալը» հաղթեց 2-0 հաշվով:
«Գենտ» - «Վոլֆսբուրգ» խաղում գերմանական թիմը հաղթեց 3-2 հաշվով: Խաղի 44-րդ րոպեին «Վոլֆսբուրգ»-ից Յուլիան Դրաքսլերը բացեց խաղի հաշիվը, ապա 54-րդ րոպեին կրկնապատկեց իր թիմի առավելությունը: Գերմանացիների 3-րդ գոլի հեղինակը դարձավ Մաքս Կրուզեն ՝ խաղի 60-րդ րոպեին: Սակայն խաղի 80 եւ 89-րդ րոպեներին «Գենտ»-ի ֆուտբոլիստներ Կումսը եւ Կուլիբալին կարողացան երկու պատասխան գնդակ ուղարկել մրցակցի դարպասը՝ կրճատելով խաղի հաշիվը:
Նշենք նաեւ, որ ինչպես «Ռոմա»-«Ռեալ Մադրիդ», այնպես էլ «Գենտ» - «Վոլֆսբուրգ» թիմերի պատասխան հանդիպումը տեղի կունենա մարտի 8-ին:
1
2
3
4
5
1
2
3
4
5
1
3
4
