Գարուն 2016-ի 10 գլխավոր թրենդները
Life
Գալիք գարունը, երևում է, լինելու է ամենականացին և ռոմանտիկը: Նորաձև են լինելու ներքնաշորային ոճը, բաց ուսերը, նուրբ պաստելային գույները:
Ներկայացնում ենք այս գարնան 10 գլխավոր թրենդները:
Ծաղկե նախշազարդ
Ծաղկե նախշապատկերը միշտ եղել է գարնանային թրենդ: Ամեն տարի դիզայներներն առաջարկում են յուրահատուկ տարբերակներ: Այս տարի հիմնական թեման դաշտային ծաղիկներն են: Անպայման գնեք այդպիսի ունիվերսալ զգեստ և կրեք այն կամ բարձրակրունկ կամ կոպիտ, երկարաճիտ կոշիկների հետ: Ավելացրեք միաերանգ աքսեսուարներ և մի մոռացեք, որ չարժե համադրել մի քանի ծաղկային նախշապատկեր մի կերպարում:
Ներքնազգեստային ոճ
Առաջ համարվում էր, որ հագուստի տակից երևացող ներքնազգեստն անպարկեշտության գագաթնակետն է: Սակայն այսօր կրել գիշերանոցի ոճի վերնաշապիկ՝ նշանակում է լինել նորաձև: Այս գարնանը դիզայներները առաջարկում են ձեր ոճին սեքսուալություն ավելացնել. կրեք մետաքսյա գիշերանոցներ և զգեստ-գիշերանոցներ՝ մետաքսից: Այս թրենդն իրենց գարուն-ամառ հավաքածուներում ցուցադրել են Givenchy-ն, Celine-ը, Balenciaga-ն, Calvin Klein-ը։
Դարսեր
Այս ոճը նորաձևություն է մտել անցյալ տարի և 2016-ին նույնպես մնում է նարաձև: Մանրածալքավոր կիսաշրջազգեստը կամ զգեստը կարելի է համադրել յուրաքանչյուր ոճի հետ և կանացի, և ռոքնռոլային: Սակայն հաշվի առեք, որ դարսերերը կարող են տեսականորեն մեծացնել ձեր կազմվածքը: Մանրածալքավոր զգեստների տեսականի ներկայացված է Altuzzarra-ի, Boss-ի, Proenza Schouler-ի հավաքածուներում:
Գունավոր գծեր
Այս սեզոնին դիզայներները գծերը դարձրել են շատ գունավոր: Հիմա արդեն մենակ սև-սպիտակ ծովային գծերով չեն սահմանափակվում: Որքան բազմազան գծերի գույները, այդքան լավ: Օրինակներին կարող եք ծանոթանալ դիտելով Christian Dior-ի, Giorgio Armani-ի, Prada-ի,Salvatore Ferragamo-ի հավաքածուները:
Փայլեր
Գալիք գարնանը փայլերը պարտադիր բաղադրիչ են լինելու երեկոյան զգեստների համար: Կարևորը չափը չանցնելն է: Աքսեսուարները և կոշիկները պետք է մինիմալիստական լինեն: Փայլեր ցուցադրվել են Lanvin-ի, Sonia Rykiel-ի, Saint Laurent-ի, Marc Jacobs-ի, Tom Ford-ի գարնանային հավաքածուներում:
Սպիտակ վերնաշապիկ
Սպիտակ վերնաշապիկը զգեստապահարանի բազային իրերից է, սակայն դա չի նշանակում, որ այն չի կարող դառնալ սեզոնի թրենդը: Phillip Lim-ը, Zac Pozen-ի, Proenza Shouler-ի, Delpozo-ի հավաքածուներում կարելի է տեսնել տարբեր ոճերի սպիտակ վերնաշապիկներ:
Իսպանական ոճ
Դիզայներներն իրենց հավաքածուներում ներառել են իսպանական մոտիվներ՝ վառ կարմիր գույներ, կորսետներ, ծաղիկներ, բարդ ասեղնագործություններ: Ընտրեք այս ոճը, եթե ցանկանում եք մի փոքր դրամատիկություն մցնել ձեր կերպարի մեջ: Իսպանական ոճը կարելի է տեսնել Oscar de la Renta-ի, Proenza Shouler-ի, Michael Kors-ի, Balmain-ի, Diane von Furstenberg-ի հավաքածուներում:
Ցանց
Ցանցը մեզ հիշեցնում է 90-ականները: Եթե դուք չեք վախենում լինել ուշադրությայն կենտրոնում՝ կրեք ցանցե տոպեր և զգեստներ: Պետք է հիշել, սակայն, չափի զգացողության մասին: Ցանցի տակից կրեք տրիկոտաժե իրեր, որպեսզի չափազանց սեքսուալ տեսք չունենաք: Այսպիսի զգեստներ իրենց հավաքածուներում ներկայացրել են Marchesa-ը, Proenza Schouler-ը,Alexander Wang-ը:
Բաց ուսեր
Բաց ուսերը նորաձև են գարնանը: Սակայն այս անգամ խոսքը միայն ուսակապերով կամ դասական դեկոլտեի մասին չէ: Ձգակապեր պետք է լինեն պարանոցի վրա՝ ընդգծելով ձեր կանացիությունը: Օրինակներ կարող եք տեսնել Prabal Gurung-ի, Giambattista Valli-ի, Jason Wu-ի, Jivenchy-ի, Adeam-ի, Derek Lim-ի հավաքածուներում:
Ռոմանտիկա
Դիզայներները փորձում են ապացուցել, որ ռոմանտիկան դեռ ողջ է: Առաջինը, պաստելային գույների համադրությունները նորաձև են, երկրորդը բարձունքի վրա են շատ փետուրները, շիֆոնը և ժանյակները: Ռոմանտիկայի սիրահարներին դուր կգան Valentino-ի, Balenciaga-ի,Alexander McQueen-ի, Dries Van Noten-ի, Chanel-ի հավաքածուները:
Գարուն 2016-ը լինելու է զգայուն և նուրբ:
Աղբյուր` LADYNEWS.am
1
2
3
4
5
1
3
4
5
1
2
3
4
5
