Մխիթարյանն ընդդեմ Կասիլիասի

Ֆուտբոլասերները, թերևս, լավ են հիշում, որ 2013/2014 թվականների չեմպիոնների լիգայի 1/4 եզրափակչում Դորտմունդի «Բորուսիա»-ն առաջին խաղում 0:3 հաշվով պարտվեց Մադրիդի «Ռեալ»-ին, իսկ պատասխան խաղում դորտմունդցիները հաղթեցին 2:0 հաշվով: Ընդհանուր արդյունքը 3:2՝ հոգուտ մադրիդյան ակումբի: Վերջին պատասխան հանդիպման ժամանակ Հայաստանի ֆուտբոլի հավաքականի կիսապաշտպան և ավագ Հենրիխ Մխիթարյանը էպիկական սխալ թույլ տվեց: 2:0 հաշվի ժամանակ, երբ մեկ գոլը կհավասարեցներ երկու հանդիպումների ընդհանուր հաշիվը՝ 3:3, կլիներ ավելացված ժամանակ, որտեղ թիմերը կպարզեին հաղթողին, Մխիթարյանն Իկեր Կասիլիասի անպաշտպան դարպասին շեղ հարվածեց, ինչից հետո գնդակը դիպավ դարպասաձողին: Սպորտային ԶԼՄ-ները անընդմեջ ցուցադրում էին այն կադրերը, որտեղ Մխիթարյանը վրիպում է:

Իրականում նման կարևոր  խաղում նորեկ ֆուտբոլիստների համար շատ բարդ է: Նախ հիշենք, որ որակազրկման պատճառով այդ հանդիպմանը չէր մասնակցում այն ժամանակ «Բորուսիա» -ի առաջ քաշված հարձակվող՝ Ռոբերտ Լևանդովսկին և հարձակման գծում ամբողջ աշխատանքը դրված էր Մխիթարյանի և Ռոյսի ուսերին:

Ինչպես հաղորդում է «Արմենպրես»-ը, այժմ «Պորտու»-ի դրապասապահը Իկեր Կասիլիասն է: «Բորուսիա» - «Պորտու» հանդիպումը և նաև պատասխան խաղը, լավ առիթ են հանդիսանում Մխիթարյանի համար ուղղել իր երբեմնի սխալը և գրավել Իկեր Կասիլիասի դարպասը:

Հիշեցնենք, որ Եվրոպայի լիգայի մրցաշարի 1/16 -րդ եզրափակչում, Փետրվարի 18 -ին. Երևանի ժամանակով 22:00 -ին կհանդիպեն Դորտմունդի «Բորուսիա» -ն և պորտուգալական «Պորտու» թիմերը: Ըստ նախնական հայտացուցակի Հենրիխ Մխիթարյանը հայտավորված է հիմնական կազմում: