Պատգամավորների եւ սեւ բերետավորների միջեւ քաշքշուկ սկսվեց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գրել էինք, որ լարված իրավիճակ է այս պահին Տավուշի մարզի Կիրանց գյուղում, ոստիկանությունը թույլ չի տալիս «Հայաստան» խմբակցության պատգամավորներին մտնել Կիրանց գյուղ։ ՀՀ ՆԳՆ ոստիկանության Տավուշի մարզային վարչության պետ Արթուր Մկրտչյանը հայտարարեց, որ այս պահին սահմանապահ զորքերը միջոցառում են իրականացնում, որով պայմանավորված չի կարող պատգամավորներին թույլ տալ մտնել գյուղ։ Նշենք, որ մեծաթիվ ոստիկանական զորք է տարվել Կիրանց։ Պատգամավորները փորձեցին ճեղքել ոստիկանական պատը, հրմշտող սկսվեց սեւբերետների եւ նրանց միջեւ։

Դիմելով Տավուշի ոստիկանապետին՝ պատգամավոր Արման Ղազարյանն ասաց․

«Դու չես կարա իմ երկրի մեջ իմ ճանապարհը փակես, ես գնում եմ իմ ժողովրդին տենալու։ Մի խոչնդոտի իմ ճանապարհը, օրենքը ցույց տուր, թե ինչու թույլ չես տալիս»։

Հիշեցնենք, որ ՀՀ ՆԳՆ-ից «Հրապարակ»-ին ասացին, որ պատգամավորներին մուտքն արգելել են Երթևեկությունը սահմանափակվել է Ոստիկանության մասին օրենքի 22-րդ հոդվածի 6-րդ կետի հիմքով, այն է՝ ժամանակավորապես սահմանափակել կամ արգելել տրանսպորտի երթևեկությունը և հետիոտնի շարժը, ինչպես նաև պարտավորեցնելու նրանց մնալ որոշակի տարածքներում կամ օբյեկտներում, փողոցներում և ճանապարհներին` իրենց կյանքի, առողջության կամ գույքի պաշտպանության ապահովման կամ քննչական և օպերատիվ հետախուզական գործողություններ կատարելու համար` այդ մասին անմիջապես տեղեկացնելով վերադասության կարգով:

Տրանսպորտի երթևեկությունը և հետիոտնի շարժը կարող են ժամանակավորապես սահմանափակվել նաև հավաքների և հանրային միջոցառումների անցկացման ժամանակ։

Առավել մանրամասն` այստեղ.

 https://t.me/arm24live