Ռաիսիին վերջինը տեսած Ալիևը ցավակցել է վերջինիս մահվան կապակցությամբ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ադրբեջանի նախագահ Իլհամ Ալիևը ցավակցություն է հայտնել Իրանի գերագույն առաջնորդ այաթոլլա Սեյյեդ Ալի Խամենեիին՝ ավիավթարի հետևանքով Իրանի Իսլամական Հանրապետության նախագահ Իբրահիմ Ռաիսիի, արտգործնախարար Հոսեյն Ամիր Աբդուլլահիանի և այլ անձանց մահվան կապակցությամբ։

Ալիևի ցավակցականում նշվում է, որ երկրում խորապես ցնցված են եղբայրական և բարեկամ Իրանի Իսլամական Հանրապետության և նրա ժողովրդին կրած ծանր կորստից՝ Իրանի Իսլամական Հանրապետության նախագահ Սեյյեդ Իբրահիմ Ռայիսիի, արտգործնախարար Հոսեյն Ամիր Աբդոլլահյանի և այլ ուղեկցողների ողբերգական մահվան լուրից:

«Ի դեմս նախագահ Սեյյեդ Իբրահիմ Ռաիսիի, Իրանի ժողովուրդը կորցրել է ականավոր պետական գործչի, ով ողջ կյանքում անձնուրաց և հավատարմորեն ծառայել է իր երկրին։ Նրա պայծառ հիշատակը միշտ կապրի մեր սրտերում։

Այս սգո օրը ցանկանում եմ, որ Ամենակարողը համբերություն տա Իրանի բարեկամ և եղբայր ժողովրդին՝ կիսելով ձեր վիշտը, անձամբ իմ և Ադրբեջանի ժողովրդի անունից խորին ցավակցություն եմ հայտնում Ձեզ, զոհերի ընտանիքներին և մերձավորներին»,-ասվում է տեքստում:

Հիշեցնենք՝ Ալիևը եղել է վերջինը, ում հետ հանդիպել է Իրանի նախագահը: Վերջինիս ուղղաթիռը կործանվել է հենց Ալիևի հետ բանակցություններից վերադառնալու ճանապարհին:

Ինչպես հայտնել էինք, Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք էր կատարել Իրան-Ադրբեջան սահմանի մոտ։

Ուղղաթիռի բոլոր ուղևորներն ու անձնակազմի անդամները՝ թվով 9 մարդ, զոհվել են։

Օդանավում Իրանի նախագահի հետ  են եղել նաև արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգի նահանգապետ Մալեք Ռահմատին և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմըև այլ պաշտոնյաներ:

Առավել մանրամասն` այստեղ.

 https://t.me/arm24live