ՀՀ-ին և Ադրբեջանին պարտադրվում է խաղաղության պայմանագիր կնքել բացառապես արևմտյան հարթակներում և թելադրանքով. Բելոուսով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հավաքական անվտանգության պայմանագրի կազմակերպության (ՀԱՊԿ) պարագծի երկայնքով ռազմական սպառնալիքների աճը պահանջում է ուժերի և միջոցների կատարելագործում։

Այս մասին Ալմաթիում ՀԱՊԿ պաշտպանության նախարարների խորհրդի նիստում հայտարարել է ՌԴ պաշտպանության նախարար Անդրեյ Բելոուսովը։

«Ռազմաքաղաքական իրավիճակի վերլուծությունը ցույց է տալիս, որ այն շարունակում է լարված մնալ և բնութագրվում է կազմակերպության պարագծի երկայնքով ռազմական սպառնալիքների աճով», - ասել է Բելոուսովը, մեջբերում են ռուսական լրատվամիջոցները:

Նախարարը նշել է, որ ներկա պայմաններում «պահանջվում է հավաքական անվտանգության համակարգում ընդգրկված ուժերի ու միջոցների հստակ համակարգում և շարունակական կատարելագործում, որոշումների կայացման լավ գործող մեխանիզմներ»։

«Ռազմական համագործակցությունը ՀԱՊԿ շրջանակներում առաջնահերթ դեր է խաղում արդյունավետ անվտանգության համակարգի ստեղծման գործում։ Մենք վճռական ենք այն զարգացնելու բոլոր հիմնական ոլորտներում: Սա հատկապես կարևոր է, քանի որ արևմտյան երկրները միտումնավոր փորձում են խաթարել դաշնակցային հարաբերությունները ՀԱՊԿ երկրների միջև և վարկաբեկել կազմակերպության գործունեությունը:

Այսօր մեր դեմ իրական տեղեկատվական պատերազմ է սանձազերծվել, տնտեսական պատժամիջոցներ են կիրառվում և ուղղակի ճնշումներ են գործադրվում»,- հավելել է նա։

Ռուսաստանի պաշտպանության նախարարության ղեկավարը նաև մեղադրել է ՆԱՏՕ-ի և ԵՄ-ի մի շարք երկրների՝ Կովկասում լարվածության աճ հրահրելու մեջ։

«Դաշինքի առանձին երկրներ ձգտում են ամրապնդել իրենց դիրքերը Կովկասում՝ դրանով իսկ ելք ստանալով դեպի Կասպից ծովի ռեսուրսներ և ուղղակի մուտք դեպի Կենտրոնական Ասիա։ Իրավիճակն ապակայունացվում է, Վրաստանում բողոքի ակցիաներ են ֆինանսավորվում, որոնցից նրանք ձգտում են ակտիվ հակառուսական գործողություններ իրականացնել»,- պնդել է Բելոուսովը։

Նախարարի խոսքով՝ հակասությունները լուծելու համար Հայաստանին և Ադրբեջանին անխոհեմաբար պարտադրվում են միջնորդական ծառայություններ, ւստ նրա՝ առաջարկվում է խաղաղության պայմանագիր կնքել «բացառապես արևմտյան հարթակներում և թելադրանքով»:

«Առանձնակի մտահոգիչ են Վաշինգտոնի և Բրյուսելի ծրագրերը՝ անվտանգության և պաշտպանության ամրապնդման պատրվակով՝ մեր հայ գործընկերներին իրենց շահերի ոլորտ ներգրավելու համար»,- ասաց նա։

Պաշտպանության նախարարի խոսքով՝ ՆԱՏՕ-ի և Եվրամիության կուրսը դեպի Ռուսաստանի հետ առճակատում լարվածության աճ է առաջացնում ՀԱՊԿ հավաքական անվտանգության մի շարք շրջաններում։

Առավել մանրամասն` այստեղ.

 https://t.me/arm24live