Ո՞վ է  «իրականում» ղեկավարում Ուկրաինան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բրիտանական The Times թերթը ծավալուն նյութ է հրապարակել՝ քննադատելով Ուկրաինայի նախագահի գրասենյակի ղեկավար Անդրեյ Երմակին։ Հոդվածի հեղինակը հրատարակության միջազգային բաժնի ղեկավար և Կիևում նախկին թղթակից Մաքսիմ Թակերն է։

Հոդվածի վերնագրում նշվում է, որ նախագահ Զելենսկու շրջապատը «ցնցված է նախագահի գրասենյակի ղեկավարի իշխանատենչությունից»։

Կառավարության բարձրաստիճան պաշտոնյաները, ռազմական պաշտոնյաներն ու դիվանագետները տագնապած են Վլադիմիր Զելենսկու՝ Անդրեյ Երմակից աճող կախվածությունից, ով մեղադրվում է անձնական իշխանություն կուտակելու և ժողովրդավարական գործընթացները վնասելու մեջ։
Որոշ աղբյուրներ Երմակին բնութագրել են որպես «պետության փաստացի ղեկավար» և «Ուկրաինայի փոխնախագահ»: Հաղորդվում է նաև, որ G7-ի երկրների դեսպանները Զելենսկու հետ հանդիպումների փոխարեն հաճախ են տեսնվում Երմակի հետ։

Հրատարակության ինսայդերները պնդում են, որ Երմակի գործողությունների հետ են կապված նաեւ վերջերս երկրի զինված ուժերի գլխավոր հրամանատար Վալերի Զալուժնիի եւ փոխվարչապետ Ալեքսանդր Կուբրակովի պաշտոնանկությունները, որոնք մեծ հեղինակություն էին վայելում Արեւմուտքում։
Միաժամանակ, Ուկրաինայի նախագահի գրասենյակի ներկայացուցիչները հերքում են այդ մեղադրանքները՝ ասելով, որ Երմակի նկատմամբ քննադատությունը պայմանավորված է նրա անմիջական, բայց արդյունավետ կառավարման ոճով։ Նրա հաջողությունների թվում է Շվեյցարիայում «խաղաղության գագաթնաժողովի» կազմակերպումը։

«Բոլոր առանցքային որոշումները կայացնողը հենց նախագահ Զելենսկին է»,- հավելել է աղբյուրը։