Մեքենայից մինչև սպասք, կտավ ու կիսանդրի. ինչ նվերներ են փոխանցել միմյանց Պուտինն ու Չեն Ընը
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Փհենյանում մի քանի ժամ տևած բանակցություններից հետո Վլադիմիր Պուտինը Հյուսիսային Կորեայի առաջնորդ Կիմ Չեն Ընին նվիրել է երկրորդ շքեղ «Aurus» մեքենան, թեյի սպասքի հավաքածու և ծովակալի դաշույն:
Այս մասին հայտարարել է ՌԴ նախագահի օգնական Յուրի Ուշակովը, փոխանցում է ՏԱՍՍ-ը։
Միևնույն ժամանակ, նրա պնդմամբ, Կիմ Չեն Ընն իր հերթին ռուս գործընկերոջը «լավ նվերներ» է նվիրել՝ չհստակեցնելով, թե կոնկրետ ինչ է տվել ԿԺԴՀ ղեկավարը Պուտինին։ Սակայն Ուշակովը կիսվել է, որ Ռուսաստանի առաջնորդին նվեր է ստացել իր կերպարով արվեստի մի քանի գործ։
«Կտավների մի քանի տարբերակներ են, բոլորն էլ բավականին գնահատելի, այդ թվում՝ կան կիսանդրիներ»,- ավելացրել է ՌԴ նախագահի օգնականը։
Պուտինը Փհենյան է ժամանել նախօրեին։ 2000 թվականից ի վեր սա նրա առաջին պաշտոնական այցն է Հյուսիսային Կորեա։ Կիմ Չեն Ընն անձամբ է դիմավորել ՌԴ նախագահին օդանավակայանում։
Այնուհետև կողմերը լայն բանակցություններ են վարել Ռուսաստանի և Հյուսիսային Կորեայի պատվիրակությունների անդամների մասնակցությամբ։ Դրանց տեւողությունը մոտավորապես մեկուկես ժամ է եղել, որից հետո կայացել է 2 առաջնոդրների առերես հանդիպումը՝ ավելի քան 2 ժամ տևողությամբ:
1
2
3
4
5
1
2
3
5
1
2
3
4
5
