Ծանր հետևանքներ. բժիշկը զգուշացրել է վարորդներին երկար վարելու վտանգների մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արդյո՞ք տղամարդիկ պետք է հրաժարվեն իրենց մեքենաներից՝ հօգուտ հասարակական տրանսպորտի։

Սեռական ակտիվության հետ կապված խնդիրներ կարող են առաջանալ ղեկին երկար ժամանակ անցկացնող վարորդների մոտ։ Այս մասին  Газата.ru-ին հայտնել է սեքսապաթոլոգ Մարիա Մալցեւան։

Բժշկի խոսքով՝ մեքենայի ղեկին երկար նստելը կոնքի հատվածում արյան լճացում է հրահրում։

«Այս ֆոնի վրա կա քրոնիկ պրոստատիտի և շագանակագեղձի ադենոմայի վտանգ: Ռիսկերը մեծանում են, եթե տղամարդու մարմնում կան պայմանական-պաթոգեն ​​վարակներ»,- բացատրել է Մարիա Մալցևան։

Պոտենցիայի հետ կապված խնդիրներից խուսափելու համար մասնագետը տղամարդ վարորդներին խորհուրդ է տալիս կանոնավոր մարզվել՝ մեքենա վարելիս երկու ժամը մեկ կարճ ընդմիջումներ անելով և ժամանակ հատկացնելով առողջ քայլելուն, ինչպես նաև տարին մեկ անգամ անցնել շագանակագեղձի ուլտրաձայնային հետազոտություն և անդրոլոգի հսկողություն։

Մալցեւան ընդգծել է, որ էրեկտիլ դիսֆունկցիան կարող է լինել պրոստատիտի նախանշաններից մեկը հատկապես 35 տարեկանից բարձր տղամարդ վարորդների մոտ։ Այդ կապակցությամբ նա վարորդներին խորհուրդ է տվել ուշադրություն դարձնել իրենց առողջությանը, այդ թվում՝ կանոնավոր ֆիզիկական ակտիվությանը։

Նա հիմնական կետն անվանել է մեքենա վարելիս յուրաքանչյուր երկու ժամը մեկ կարճ ընդմիջումներ անելու և ժամանցային զբոսանքով զբաղվելու անհրաժեշտությունը: Նման միջոցները կօգնեն նվազեցնել պրոստատիտի և դրա հետ կապված խնդիրների առաջացման ռիսկը՝ ապահովելով առողջությունը և ինքնազգացողությունը։