Քննադատությունների առեղծվածը.

Վահե Մոսինյանը ֆեյսբուքյան իր էջում գրում է .

Երեկ` փետրվարի 21-ին, Կարեն Դեմիրճյանի անվան մարզահամերգային համալիրում տեղի ունեցավ «Հայկական վերածնունդ միավորում» կուսակցության հիմնադիր համագումարը: 

Պետք խոստովանենք, որ կատարվածն իրականում մեծածավալ աշխատանքի արդյունք էր: Հայաստանի Հանրապետության պատմության մեջ առաջին անգամ տասնայկից ավել կուսակցություններ և 140-ից ավել հասարակական կազմակերպություններ միաձուլման ճանապարհով հիմք դրեցին նոր քաղաքական ուժի: 

Այս ամենի արդյունքում հայ իրականության մեջ սկիզբ դրվեց մի նոր քաղաքական ուժի, որն ի զորու կլինի Հայաստանը դուրս բերելու ստեղծված ծանրագույն դրությունից: 
Ասվածի վառ վկայությունն է հանդիսանում նաև այն հանգամանքը, որ թե երեկ, թե այսօր և թե «Հայկական վերածնուն» հասարակական քաղաքական միավորման հիմնադրումից ի վեր, անհիմն ու ոչինչ չասող քննադատությունների պակաս չի զգացվում: Իրենցից ոչինչ չներկայացնող որոշ քաղաքական դիակներ և ծախու «հասարակական գործիչներ» իրենց պարտքն են համարում քարկոծել այն այն հուժկու շարժումը, որն ընթանում է դեպի հաղթանակ: Զավեշտալին այն հանգամանքն է, որ վերջիններս չեն կարող անգամ 20 հոգի համախմբել իրենց շուրջը, սակայն կարող են ակտիվորեն քննադատել շուրջ 160 կազմակերպությունների միավորում հանդիսացող ուժին:

Առաջին հայացքից սա կարող է թվալ ցավալի իրողություն, սակայն պետք է գիտակցենք, որ քարկոծում և ցեխոտում են այն ուժին, որը հզոր է, որն ունի ներուժ, գաղափար, ոգի… Տարօրինակ կլիներ, եթե նույն կերպ քննադատության ենթարկեին իրենցից ոչինչ չներկայացնող քաղաքական ուժերին, որոնց մեկ ոտքը գերեզմանում է, իսկ մյուս ոտքը չգիտես թե որտեղ…