Նիկոլայ I-ի թոռան թոռնուհին ոսկերչական հավաքածու Է ներկայացրել Մոսկվայում

 Իտալացի դերասանուհի, Ռուսաստանի Նիկոլայ I կայսեր ծոռնորդի Նիկոլետա Ռոմանովան  զարդեր Է ստեղծել Միլանի Damiani տան համար: Թագակիր գերդաստանի ժառանգի ոսկերչական հավաքածուն ներկայացվել Է Մոսկվայում կայացած հատուկ միջոցառման ժամանակ: Նիկոլետան «Լենտա.ռու»-ին պատմել Է, որ զարդերի դիզայնը ներշնչված Է իր տատիկին պատկանող թանկարժեք զարդեղենից, տեղեկացնում Է «Արմենպրես»-ը:        

Նիկոլետա Ռոմանովան ներկայացրել Է երկու շարքի ոսկե զարդեր՝ ընդելուզված ադամանդներով եւ մարգարիտներով՝ Fiocco եւ Fiori d’arancio: Երկրորդ շարքը, որի անվանումը թարգմանվում Է որպես «պսակածաղիկ», հարսնացուների ավանդական զարդ, ներշնչվել Է տոսկանացի արիստոկրատուհի դքսուհի Սվեւա դելլա Գերարդեսկայի հետ իր պապիկի՝ ռուսաց Նիկոլայ I թագավորի ծոռան՝ Նիկոլայ Ռոմանովի հարսանիքի լուսանկարներից եւ հարսնացուի՝ դիզայների տատիկի զարդերից, որոնք մինչ օրս պահվում են ընտանիքում:     

Damiani Group-ը (ավելի վաղ Damiani S.p.A.) ժամացույցի-սկերչական ընկերություն Է, որը հիմնվել Է 1924 թվականին Իտալիայում Դամիանի ընտանիքի կողմից: Ներկայում ընկերությանն են պատկանում մի քանի առեւտրանիշեր՝ Damiani-ն, Salvini-ն, Alfieri & St-ը. John-ը, Bliss-ը եւ Calderoni-ն, ինչպես նաեւ Rocca-ն՝ խանութների ցանցը, որը մասնագիտացած Է ոսկերչական իրերի եւ պրեմիում դասի ժամացույցների վաճառքի բնագավառում:

2015 թվականի նոյեմբերին առեւտրանիշը ներկայացրել Է Մոնակոյի իշխանի ոսկե կիսանդրին, որն ստեղծվել Է քանդակագործ Barry X Ball-ի կողմից: