Զանգելու եմ Հռոմի պապին ու բողոքեմ այդ անբարոյականությունից. Էրդողանը՝ Օլիմպիական խաղերի բացման մասին
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Թուրքիայի առաջնորդ Ռեջեփ Թայիփ Էրդողանը իշխող «Արդարություն և զարգացում» կուսակցության գլխավոր շտաբում ելույթի ժամանակ խիստ քննադատել է Փարիզում ընթացող Օլիմպիական խաղերը:
Նա հայտարարել է, որ Փարիզում տեղի ունեցածը «անհարգալից վերաբերմունք է ողջ քրիստոնեական և մահմեդական աշխարհի նկատմամբ», իսկ Արևմուտքը «դարձել է ԼԳԲՏ մարդկանց պատանդը»։
Նա հայտարարել է, թե պատրաստվում էր ուղևորվել Ֆրանսիա և մասնակցել խաղերի բացման արարողությանը, սակայն իր թոռնիկը մի տեսանյութ է ցույց տվել ու իրեն ասել, որ Փարիզում ԼԳԲՏ համայնքի քարոզ է իրականացվելու: Այս ամենից հետո Էրդողանը որոշել է չմասնակցել բացմանը:
Բացի այդ, Էրդողանը, խոսելով արարողության ժամանակ բեմադրված «Խորհրդավոր ընթրիքի» տեսարանի նմանակման մասին, այն անվանել է խայտառակություն և նշել, որ դա վիրավորանք էր ոչ միայն կաթոլիկ համայնքի, ոչ միայն քրիստոնյաների, այլ իրենց համար ևս:
«Առաջին իսկ հնարավորության դեպքում զանգելու եմ հարգարժան Հռոմի պապին: Ես ներկայացնելու եմ քրիստոնեական աշխարհի, բոլոր քրիստոնյաների նկատմամբ իրականացված անբարոյականությունը»,- հայտարարել է Էրդողանը:
Հիշեցնենք՝ Փարիզում ամառային Օլիմպիական խաղերի բացման արարողության ժամանակ բեմում ցուցադրվել է մի տեսարան, որը շատ նման է եղել Լեոնարդո դա Վինչիի «Քրիստոսի վերջին ընթրիքը» կտավին։
Ներկայացման ընթացքում 18 դերասան նստել է երկար սեղանի շուրջ, իսկ կենտրոնում կանգնած է եղել մի կին՝ մեծ արծաթե գլխազարդով, որը նման է լուսապսակին, ինչպես Հիսուս Քրիստոսի սրբապատկերների վրա է: ՆԱ ԼԳԲՏ համայքից դիջեյ և պրոդյուսեր Բարբարա Բուտչն է։ Սա տարբեր մայրցամաքների քրիստոնյաների վրդովմունքն է առաջացրել:
1
2
3
4
5
1
2
3
4
1
2
3
4
5
