Հայ և ադրբեջանական զորքերը Բերքաբերում մեկական դիրքերով հետ են քաշվել․ արդյո՞ք մոտ է սպասված խաղաղությունը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տավուշի մարզի Բերքաբեր գյուղի հարակից տարածքում Ադրբեջանը Հայաստանին մեկ դիրք է զիջել։  Այս լուրը MediaHub-ի հետ զրույցում հաստատեց Բերքաբեր գյուղի վարչական ղեկավարը։ 

Տիգրան Հարությունյանի խոսքով՝  Հայաստանի և Ադրբեջանի միջև սահմանագծման ու սահմանազատման արդյունքում հայկական ու ադրբեջանական զորքերը մեկական դիրքով հետ են քաշվել։

«Ադրբեջանական դիրքերից մեկը գտնվում էր Բերքաբերին պատկանող տարածքում, իսկ մենք դիրքավորվել էինք իրենց Քիզըլխաջիլի գյուղի տարածքում։ Դելիմիտացիայի և դեմարկացիայի շրջանակներում մենք իրենց տարածքից ենք դուրս եկել, իրենք՝ մեր»,- նշեց նա։ 

Հարությունյանն ընդգծեց, որ խոսքն առայժմ մեկ դիրքի մասին է, բայց մոտ 800 հա տարածք, որոնք նախկինում եղել են վարելահողեր, դեռևս գտնվում է Ադրբեջանի վերահսկողության տակ։

Վարչական ղեկավարը, սակայն, չպատասխանեց MediaHub-ի՝ արդյո՞ք սպասված խաղաղությունը մոտ է հարցին. «Թույլ տվեք, առայժմ չմեկնաբանեմ»։

Զորքերի համաչափ հետքաշման մասին տեղյակ են նաև Բերքաբերի բնակիչները, և դա խաղաղություն տանող ճանապարհին մեծ քայլ են համարում։ Հիշեցնելով Կիրանցի օրինակը՝ Հարությունյանն ասաց, որ Բերքաբերում վատ տրամադրություններ չկան։ Սակայն, կայուն խաղաղության հասնելու համար Ադրբեջանը պետք է վերադարձնի Բերքաբերին պատկանող բոլոր տարածքները։ 

Հիշեցնենք, որ վաղը Բերքաբեր կայցելի նաև Նիկոլ Փաշինյանը։

Հունան Թադևոսյան


Առավել մանրամասն` այստեղ.

https://t.me/armenia24live