Պարզվել է Կիևյան փողոցում կրակnցներ արձակողների ինքնությունը. մեկը հաշվառված է «Արմավիր» ՔԿՀ-ում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


SHAMSHYAN.com-ի տեղեկություններով՝ ՀՀ ներքին գործերի նախարարության քրեական ոստիկանության գլխավոր վարչության, ոստիկանության Երևան քաղաքի վարչության քրեական հետախուզության բաժնի և ոստիկանության Արաբկիրի բաժնի քրեական հետախուզության բաժանմունքի ծառայողները, համագործակցելով ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժնի քննիչների հետ, իրականացնելով անհրաժեշտ հսկայածավալ օպերատիվ հետախուզական միջոցառումներ, պարզել են հուլիսի 29-ին Կիևյան փողոցի 4/4 շենքի բակում կրակոցներ արձակած և խուլիգանություն կատարած անձանց ինքնությունը:  

Ինչպես հայտնում է ֆոտոլրագրող Գագիկ Շամշյանը, պարզվել է որ նշված խուլիգանությունը կատարել են ՀՀ արտադարադատության նախարարաության քրեակատարողական ծառայության «Արմավիր» քրեակատարողկան հիմնարկում հաշվառված 44-ամյա Երվանդ Գասպարյանը և Երևանի բնակիչ 47-ամյա Ռուստամ Ուդոյեվը, ովքեր խուլիգանություն կատարելուն զուգահեռ իրենց մոտ պահվող ապօրինի հրազենից կրակոցներ են արձակել:

Ոստիկանությունն ու քննչական բաժինը ձեռնարկում են անհրաժեշտ գործողություններ՝ նշված անձանց և հանցագործության գործիք հրազենը հայտնաբերելու ուղղությամբ:

Ինչպես ավելի վաղ դեպքի վայրից հայտնել էր ֆոտոլրագրողը, հուլիսի 29-ին, կրակոցներ էին հնչել Երևանում։ Ժամը 21։30-ի սահմաններում ՀՀ Ներքին գործերի նախարարության քրեական ոստիկանությունում, ոստիկանության Երևան քաղաքի վարչությունում և ոստիկանության Արաբկիրի բաժնում օպերատիվ տեղեկություններ էին ստացվել, որ Կիևյան փողոցի 4/4 շենքի բակում կրակոցներ են հնչել։

Ոստիկաններն ու պարեկները նշված շենքի 5-րդ մուտքի մոտ հայտնաբերել էին 9 մմ տրամաչափի կրակված 2 պարկուճ և 1 գնդակ, ինչպես նաև «Subaru» մակնիշի ավտոմեքենա, որի հետևի հատվածում հայտնաբերվել էր կրակոցի հետք։

Դեպքի փաստով Արաբկիրի քննչական բաժնում նախաձեռնվել էր քրեական վարույթ։