Ջրհեղեղի հետևանքով տուժած տնտեսվարողները աջակցություն կստանան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կառավարության նիստում զեկուցվող 3 հարցերն առնչվում են մայիսի 26-ին Լոռու և Տավուշի մարզերում տեղի ունեցած ջրհեղեղի հետևանքների վերացման հետ կապված միջոցառումների հերթական փաթեթին. այս մասին այսօր գործադիրի նիստի մեկնարկին հայտարարեց Հայաստանի վարչապետ Նիկոլ Փաշինյանը՝ նշելով, որ սա նաև լավ առիթ է ամփոփելու համար, թե ինչ են հասցրել անել, ինչն է հաջողվել, ինչը՝ ոչ։

Կառավարությունն առաջինը քննարկեց աղետի գոտում տնտեսվարողներին աջակցելու մասին հարցը։ Նախագծով առաջարկվում է աջակցություն տրամադրել Լոռու և Տավուշի մարզերում արտակարգ իրավիճակի հետևանքով հայտարարված աղետի գոտիներում տուժած տնտեսվարողներին՝ առաջացած դժվարությունները հաղթահարելու և տնտեսական գործունեությունը շարունակելու նպատակով։

Էկոնոմիկայի նախարար Գևորգ Պապոյանն ասաց, որ աղետի հետևանքով տուժած տնտեսվարողների վնասվածությունը դասակարգվել է երեք աստիճանի՝ ցածր, միջին և բարձր, որն էլ հիմք է հանդիսանում ծրագրի շրջանակում տրամադրվող աջակցության չափի հաշվարկման համար․

«Ներկայացված ծրագրի շահառու են հանդիսանում աղետի գոտիներում ձեռնարկատիրական գործունեություն իրականացնող և աղետից տուժած առևտրային կազմակերպությունները կամ անհատ ձեռնարկատերերը, ինչպես նաև աղետից տուժած ձեռնարկատիրական գործունեության վայր հանդիսացող անշարժ գույքի սեփականատերերը»,- ասաց նա։

Պապոյանի խոսքով՝ աջակցությունը երկու բաղադրիչ ունի՝ կախված տնտեսվարողի ձեռնարկատիրական վայր հանդիսացող անշարժ գույքի մակերեսից և վնասվածության մակարդակից, որի վերանորոգման ծախսերի վերաբերյալ հաշվարկներն իրականացվել են քաղաքաշինության կոմիտեի կողմից։ Ըստ այդմ, ցածր՝ 1 ք/մ-ի համար 6600 դրամ, առավելագույնը՝ 1 մլն 200 հազար դրամ, միջին՝ 1 ք/մ-ի համար 14․900 դրամ, առավելագույնը՝ 1 մլն 200 հազար դրամ, և բարձր՝ 1 ք/մ-ի համար 24․800 դրամ, առավելագույնը՝ կրկին 1 մլն 200 հազար դրամ։ 

Այս բաղադրիչով աջակցություն տրամադրվելու է շուրջ 150 տնտեսվարողի, որի ընդհանուր գումարը կազմելու է մոտ 140 մլն դրամ։

Երկրորդ բաղադրիչը կախված է տնտեսվարողի 2023թ․ համար պետական բյուջե վճարված հարկերի չափից։ Վերանորոգման ծախսերի հաշվարկը իրականացվել է ՊԵԿ-ի կողմից․ ցածր՝ 2023թ․ հարկերի չափով վերադարձ ԱԱՀ կամ շրջհարկ, եթե ցածր է, ապա 50%-ը կամ նվազագույնը 200․000 դրամ, առավելագույնը՝ 5 մլն դրամ; միջին՝ 2023թ․ հարկերի չափով վերադարձ ԱԱՀ կամ շրջհարկ, այս դեպքում 70%-ը կամ նվազագույնը 200․000 դրամ, առավելագույնը 10 մլն դրամ; և բարձր՝ 2023թ․ հարկերի չափով վերադարձ 100%-ի չափով՝ առավելագույնը 15 մլն դրամ։

Աջակցությունը տրամադրվում է էկոնոմիկայի նախարարության միջոցով։ Այն ստանալու համար տուժած տնտեսվարողները դիմում են ներկայացնելու էկոնոմիկայի նախարարություն՝ օգոստոսի 25-ից մինչև հոկտեմբերի 15-ը։

Առավել մանրամասն` այստեղ.

https://t.me/armenia24live