Սովորական սրբիչով չորացնելը մազերին վնասակար է

Ֆենով չորացնելը վնասում է մազերը։ Թվում է, թե այս աքսիոմն ապացուցելու կարիք չունի։ Սակայն հարցը սրանում չէ։ Պարզվում է, որ սրբիչով մազերը չորացնելն էլ ավելի վնասակար է։ Ըստ հայտնի ասղային վարսահարդար և ոճաբան Մոնե Էվերթի՝ այդ եղանակը ոչ միայն կարող է իր ազդեցությունն ունենալ մազերի որակի, այլև լուրջ վնաս հասցնել դրանց։

Սրբիչով մազերը չորացնելը վնասակար է։ Այս եզրահանգմանն է եկել Մոնե Էվերթը, ով արդեն երկար ժամանակ է, ինչ պատասխանատու է Հոլիվուդի շատ աստղերի սանրվածքների համար։

Սրբիչի կտորի կոպիտ կառուցածքը կարող է լուրջ հարված հասցնել մեր մազերին։ Բանն այն է, որ մազերը լվանալուց հետո դրանք սրբիչով փաթաթելով, հնարավոր է այն շատ կիպ կապվի գլխին, ինչը հղի է հետևանքներով։ Ոչ միանգամից, իհարկե, մազերն անմիջապես չեն թափվի, սակայն ժամանակի հետ դրանցից կստանաք օգնության ահազանգ։

«Սրբիչով մազերի չորացնելը կարող է խառնել ձեր մազերի ծայրերը, ինչպես նաև վնասել դրանց առանցքը, ինչը, ընդհանուր առմամբ, էապես կվատացնի ձեր վարսերի վիճակը»,-գտնում է Մոնե Էվերթը։

Չորացման այդպիսի եղանակը հատկապես վնասակար է չոր և անհնզանդ մազերի համար։ Եթե դուք ձեր ողջ կյանքի ընթացքում մազերը չորացրել եք սրբիչով և նույնիսկ մոռացել, թե ո՞ր դարակում է դրված ձեր ֆենը, մի կարծեք, թե ձեր վարսերի վերջը եկել է։ Մոնե Էվերթը գտնում է, որ կարելի է ժամանակը հետ բերել՝ հետևելով մի քանի կանոնի։

Նախևառաջ Մոնե Էվերթը կարծում է, որ պետք է մազերի համար ճիշտ խնամք ընտրել։ «Եթե մազերը ոչ բնական գույնի են, օգտագործեք ներկած մազերի համար նախատեսված շամպուն և կոնդիցիոներ։ Եթե ձեր մազերը բարակ և թուլացած են, օգտագործել լրացուցիչ ծավալ հաղորդող միջոցներ»,-խորհուրդ է տալիս աստղային ոճաբանը։

Երկրորդ հերթին Էվերթը խորհուրդ է տալիս չորացման համան օգտագործել հատուկ չալմա կամ բարակ մանրաթելից պատրաստված սրբիչ։ Այս երկու միջոցները լավ կներծծեն մազերի խոնավությունը և դրանք ենթարկվող կդարձնեն։

«Հարկ չկա մի քանի անգամ կտորով շփել մազերը։ Պարզապես մազերը փաթաթեք չալմայով կամ հատուկ սրբիչով, և դրանք իրենք իրենց կչորանան»,-ասում է ոճաբանը։

Բնական չորացումն ամենաանվտանգ եղանակն է, այդ իսկ պատճառով բոլոր կանանց, ովքեր երազում են ճոխ վարսերի մասին, հարկ է մեկընմիշտ մոռանալ ֆենի մասին։ Չալման կամ մանրաթելային սրբիչը կօգնեն արագ չորացնել մազերը՝ միաժամանակ պահպանելով դրանց առանցքի հավասարակշիռ խոնավությունը։

Աղբյուր` LADYNEWS.am