Դիրքապահները փորձել են «կայֆ» ստանալ և հիվանդանոց են ընկել․ «Հրապարակ»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


«Հրապարակ» օրաթերթը գրում է․ «Հրապարակի» տեղեկություններով, օրերս Սյունիքի մարզի մի հատվածում դիրքերում մարտական հերթապահություն իրականացնող որոշ ԵԿՄ-ականներ թունավորմամբ տեղափոխվել են «Արմենիա» հանրապետական բժշկական կենտրոն։ Ընդ որում, թունավորման դեպքերը երկու անգամ են եղել։
Մեզ տեղեկացրին, որ առաջին թունավորման ժամանակ ԵԿՄ-ի կազմում դիրքեր բարձրացածներից երկուսը կոմայի մեջ են ընկել՝ ստացած ծանր թունավորումից։ Երկրորդ անգամ թունավորման դեպքի ժամանակ նման ծանր դեպք չի արձանագրվել։ Մեզ տեղեկացրին, որ մարտական հերթապահություն իրականացնողները սննդի մեջ օգտագործել են վայրի պտուղ, որից էլ ստացել են այդ թունավորումը։

Այդ պտուղը կոչվում է գայլի հատապտուղ՝ Lonicera xylosteum լատինական անվամբ, ռուսերենում՝ волчья ягода, որն ունի հալյուցինոգեն հատկություն։ Դրա փոքր քանակով օգտագործման դեպքում այն հալյուցինոգեն է, առաջացնում է տարատեսակ տեսիլքներ եւ զգացումներ, որոնք բնորոշ են թմրամիջոցներին։ Փոքր-ինչ մեծ չափաքանակով օգտագործման պարագայում կարող է առաջացնել կոմա, գիտակցության կորուստ, այսինքն՝ մարդու համար այն թունավոր է։

«Հրապարակի» աղբյուրը շեշտեց, որ դիրքապահ ԵԿՄ-ականները նախապես իմացել են այս պտղի հատկության մասին եւ կիրառել են հենց այդ նպատակով, ուղղակի չափն են չարաշահել, ինչի հետեւանքով էլ նման թունավորում է առաջացել, եւ 2 անձ կոմայի մեջ է ընկել։ Հետաքրքիր է, որ առաջին ողբերգական պատահարը դաս չի եղել` երկրորդ խումբն է հետեւել կոմայի մեջ ընկածների օրինակին եւ վայելել «գայլի հատապտուղների» թողած «կայֆը»։

«Արմենիա» բժշկական կենտրոնի փոխտնօրեն Աշոտ Կուրղինյանը հաստատեց մեր տեղեկությունը, որ հալյուցինոգեն բույսի կամ սնկի օգտագործման հետեւանքով երկու անգամ Սյունիքի մարզից իրենց մոտ մարդիկ են տեղափոխվել։ «Սյունիքի մարզից են տեղափոխվել մեզ մոտ՝ կամավորներ էին, կարծեմ, ու նրանցից երկուսը կոմայի մեջ էին։ Սակայն դա այն կոման չէ, որ մարդիկ, այդ բառը լսելով, հասկանում են՝ գիտակցության կորուստ են ունեցել։ Հաջորդ օրը կամ երկու օր հետո էլի բերեցին մի քանի հոգու՝ նույն խնդրով, բայց մի քանի օր հետո արդեն լավ էին, ուշքի եկան»,- ասաց Կուրղինյանը։ Նման միջադեպերը մի բանի մասին են վկայում՝ անհասկանալի է, թե մեր երկրի սահմաններն ովքեր են հսկում, այդ անձանց նկատմամբ բանակի եւ ՊՆ-ի կողմից պատշաճ հսկողություն չի իրականացվում:

Ավելին՝ «Հրապարակ» օրաթերթի այսօրվա համարում։

Առավել մանրամասն` այստեղ.

https://t.me/armenia24live