Թուրքիայում դաժանաբար սպանում են կանանց. Էրդողանը «ցնցված է»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կանանց վրա մի շարք դաժան հարձակումները վրդովմունքի և բողոքի ցույցեր են առաջացրել Թուրքիայում: Նախագահ Ռեջեփ Թայիփ Էրդողանը խոստացել է խստացնել քրեական օրենքները՝ ի պատասխան հանրային ճնշման:

Կանանց նկատմամբ բռնությունը շարունակում է լուրջ խնդիր մնալ Թուրքիայում, հայտնում է Politico-ն։ Այս տարի սպանության զոհ է դարձել մոտ 300 կին։ Ցուցարարները դատապարտում են իշխող «Արդարություն և զարգացում» կուսակցությանը (AKP)՝ ասելով, որ կանանց պաշտպանելը, ցավոք, կառավարության առաջնահերթություններից չէ:
Հատկապես հնչեղ էին վերջերս տեղի ունեցած երեք սպանությունները, որոնք ցնցեցին հանրությանը, գրում է պարբերականը։ Տարբեր քաղաքներում երթեր են տեղի ունեցել՝ պահանջելով դադարեցնել հանցագործների անպատժելիությունը և դադարեցնել բռնությունը։

Ամենացնցող միջադեպերից մեկը 19-ամյա Իքբալ Ուզուների սպանությունն էր, որը կատարել էր մսավաճառը. վերջինս գլխատել էր աղջկան ու ինքնասպան եղել։ Նույն օրը սպանվել է մեկ այլ կին՝ Այշենուր Խալիլը, ում կոկորդը կտրել է հանցագործը։

Ավելի վաղ, հոկտեմբերի 9-ին, Էրդողանը դիմելով ԱԶԿ-ի խորհրդարանական խմբին՝ ասել է, որ կանանց սպանությունները հարուցել են հասարակության արդարացի արձագանքն ու վրդովմունքը։ Նա մտահոգություն է հայտնել, որ իրավախախտները մնում են ազատության մեջ և խոստացել խստացնել պատիժները, ինչպես նաև դադարեցնել դատապարտյալների վաղաժամկետ ազատումը:

Այդուհանդերձ, շատ ցուցարարներ թերահավատորեն են վերաբերվում նախագահի խոսքերին՝ հիշեցնելով, որ 2021 թվականին Թուրքիան դուրս է եկել Ստամբուլի կոնվենցիայից, որն ուղղված է կանանց նկատմամբ բռնության դեմ պայքարին։ Այնուհետ Էրդողանն ասել է, որ Կոնվենցիան իբր սպառնում է ավանդական ընտանեկան արժեքներին։ Politico-ն նաև նշել է, որ Կոնվենցիան պաշտպանում է ԼԳԲՏՔ+ համայնքի իրավունքները։

Ըստ Մենք կկանգնեցնենք ֆեմիցիդ-ը շարժման՝ միայն 2024 թվականի սեպտեմբերին տղամարդիկ սպանել են 34 կնոջ, ևս 20-ը մահացել են կասկածելի հանգամանքներում։

Առավել մանրամասն` այստեղ.

https://t.me/armenia24live