Ռիգայի գագաթնաժողովն ապացուցեց, որ ԵՄ-ն գնահատեց Հայաստանի բալանսավորված քաղաքականությունը
Ուշադրության կենտրոնում
Ուկրաինայում շարունակվող հակամարտության հետեւանքներն ու այն իրադարձությունները, որ կատարվեցին ԱլԳ պետություններում վերջին մեկուկես տարվա ընթացքում, ապացուցեցին, որ Հայաստանը ճիշտ եւ կշռադատված որոշում է կայացրել, չի վնասել թե՛ ԵՄ գործընկերներին, թե՛ սեփական անվտանգությունը:
«Կովկաս» ինստիտուտի փոխտնօրեն, քաղաքագետ Սերգեյ Մինասյանի գնահատմամբ, այս փաստը ԵՄ-ում բարձր գնահատեցին, ինչն ապացուցվեց նաեւ Ռիգայում կայացած գագաթնաժողովի ժամանակ:
«Ռիգայում կայացած գագաթնաժողովը դրական արդյունք ունեցավ, եւ կարելի է ասել, որ այն Հայաստանի համար հաջողված էր: Բանն այն է, որ Հայաստանը ոչ իրատեսական սպասումներ գագաթնաժողովից չուներ, ապացուցվեց, որ Հայաստանը բալանսավորված քաղաքականություն է վարում եւ, փաստորեն, մեծ հաշվով այդ «եւ-եւ» սկզբունքը պահպանվեց»,-ասաց Մինասյանը:
Քաղաքագետը շեշտում է, որ 2013 թ. սեպտեմբերի 3-ին Հայաստանի կայացրած որոշումը անհասկանալի էր թե՛ ԵՄ-ի, թե՛ հայ հասարակության մեծամասնության համար, սակայն դեպքերի ընթացքն ապացուցեց, որ Հայաստանը ճիշտ էր: «Կարեւոր է, որ ձեւական ձեւաչափերի հետեւից չընկնենք, այլ ռեալ համագործակցություն իրականացնենք եւ այդ համագործակցությամբ ո՛չ պրոբլեմ ստեղծենք գործընկեր պետությունների համար, ոչ էլ Հայաստանի անվտանգությունը կասկածի տակ դնենք»:
1
2
3
4
5
1
2
3
4
5
2
3
