Ջենիֆեր Գարները պատմել է հայուհի դայակի հետ սկանդալի ու Բեն Աֆլեքից բաժանվելու մասին
Հոլիվուդյան աստղ Ջենիֆեր Գարները հայտնվել է Vanity Fair–ի շապիկին: Նա որոշել է պատմել հայուհի դայակ Քրիստին Ուզունյանի հետ սկանդալի ու Բեն Աֆլեքից բաժանվելու մասին:
Հիշեցնենք, որ Բենը Քրիստինայի հետ սիրային հարաբերություններ էր սկսել, որն էլ հենց դարձել էր զույգի ամուսնալուծության պատճառը (Ջենն ու Բենը երեք երեխա ունեն):
2005 թ. Բենի հետ հարսանիքի մասին.
«Ես մեծ ու հարուստ կինոաստղի հետ չեմ ամուսնացել: Ես ամուսնացել եմ ՆՐԱ հետ: Ես կցանկանայի վերադառնալ հետ ու նորից կայացնել այդ որոշումը: Ես նորից կվազեի նրա մոտ՝ լողափ: Մենք երեք երեխա ունենք, մեզ շատ բան է կապում: Նա իմ ամբողջ կյանքի սերն է: Նա ամենահետաքրքիր, ամենախարիզմատիկ, ամենաառատաձեռն մարդն է: Պարզապես նա բարդ խառնվածք ունի»:
Բենի դավաճանության մասին.
«Մեր ամուսնությունն իսկական էր: Խաղ կամ բեմադրություն չէր: Ես շատ էի ուզում պահպանել այն, բայց չստացվեց: Թույլ տվեք ես ձեզ մի բան ասեմ: Մենք արդեն մի քանի ամիս առանձին էինք ապրում, երբ ես առաջին անգամ լսեցի դայակի հետ պատմության մասին: Այն ոչ մի առնչություն չունի մեր բաժանվելու որոշման հետ: Դայակը այդ պատմության հետ կապ չունի: Սխալ մեկնաբանություննե՞ր: Այո, եւ մեր երեխաների համար բոլորովին լավ չէր, որ նրանց դայակը հանկարծ անհետացավ նրանց կյանքից:
Քրիստին Ուզունյան
Ինձ երջանիկ դարձնելը Բենի գործը չէ: Իմ կյանքում կարեւորը իմ երեխաներն են: Իհարկե, մեր դստեր հարսանիքին ամուսնուս հետ պարելու իմ երազանքն արդեն չի կատարվի: Բայց դուք պետք է տեսնեք մեր երեխաների դեմքերը, երբ հայրը դռնից ներս է մտնում: Եթե տեսնեք, որ ձեր երեխաները ինչ-որ մեկին այդքան շատ ու անկեղծ են սիրում, ապա այդ մարդն անպայման կդառնա ձեր ընկերը»:
1
2
3
4
5
1
4
2
3
4
5
