Երբ անկողնում անհետաքրքիր է դառնում
Սեռաբան և հարաբերությունների կարգավորման մասնագետ Պամելա Մեդսենը զույգերին առաջարկում է «Իսկ ի՞նչ է քո զամբյուղում» խաղը:
Զույգերին, որոնց թվում է, թե սեռական հարաբերություններում իրենք արդեն որևէ նոր բան չեն կարող ունենալ, որ իրենք ընկղմվել են սեռական ճահիճը, սեռաբանը խորհուրդ է տալիս իր սիրելի խաղը՝ «Իսկ ի՞նչ է քո զամբյուղում»: Վերջինս հենց նշված զույգերի համար է:
Մտեք համացանցային օնլայն սեքս-խանութ: Յուրաքանչյուրիդ տրամադրվում է կես ժամ, որպեսզի ձեր զամբյուղի մեջ դնեք սեքս-խաղալիքներ, ինտիմ հարաբերությունների համար այլ հարմարանքներ: Մարդկանց հաճախ դժվար է լինում խոսել իրենց սեքսուալ ցանկությունների և երևակայությունների մասին, քայն ցուցադրել դրանք:
Այնուհետև միասին նստում և նայում եք միմյանց զամբյուզների պարունակությունը: Այ քեզ զարմանք…Վստահ եղեք, որ դուք դիմացինի զամբյուղում կհայտնաբերեք շատ անսպասելի բաներ: Դուք նույնիսկ գաղափար չունեիք, որ դրանք նրա հետաքրքրությունների շրջանակներում են:
Շատ կարևոր է հիշել. երբ ձեր սիրելին ներկայացնում է զամբյուղի պարունակությունը, ապա ի ցույց է դնում իր խիստ ինտիմ և խոցելի կողմերը: Այնպես որ, բարի եղեք, նրա զամբյուղի պարունակությունն ընդունել սիրո և ըմբռնման առավել դրսևորմամբ:
Դուք, իրոք, կարող եք մեծապես զարմացած կամ հիացած լինել նրա զամբյուղի պարունակությամբ, հնարավոր է նաև հիասթափություն ապրեք: Բայց երկու դեպքում էլ արդյունքը դրական է:
Այժմ ձեզանից յուրաքանչյուրը զուգընկերոջ զամբյուղից ընտրում է երեքական աքսեսուար, որը պատրաստ է օգտագործել: Եվ հենց այստեղ սկսում են գործել «Համաձայնություն» և «Սահմաններ» հասկացությունները: Զուգընկերոջ զամբյուղից ընտրելով առարկաները, դուք միայն համաձայնվում եք ուսումնասիրել խաղալիքը կամ երևակայությունը, այն առումով, թե որքան հեռու կարող եք գնալ: Հնարավոր է դուք ասեք. «Գրողը տանի», սակայն բացառված չէ, որ ձեր արտահայտությունը լինի «Հնարավոր է»: «Ոչ» պատասխանը նույնպես լիովին ընդունելի է: Սակայն հույս կա, որ զուգընկերոջ զամբյուղում դուք կգտնեք այն, ինչին կասեք «այո» կամ «չի բացառվում»:
Բոլոր դեպքերում այս խաղը շատ լավ առիթ է սկսելու «ի՞նչն է իմ զուգընկերոջը գրգռում» թեմայով երկխոսություն և ձեր զույգի համար ինչ-որ նոր բան գտնելու հնարավորություն:
Խաղը երբեմն հանգեցնում է շատ զարմանալի և հաճելի բացահայտումների:
1
2
3
4
5
1
4
2
3
4
5
