Համահայկական խաղերի համաշխարհային կոմիտեի նախագահի գլխավորած պատվիրակությունը ԱՄՆ-ում մի շարք հանդիպումներ է ունեցել
ՍպորտՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Համահայկական խաղերի համաշխարհային կոմիտեի նախագահ Իշխան Զաքարյանը, փոխնախագահներ Ալբերտ Բոյաջյանը (ԱՄՆ) և Վրեժ Շառոյանը (Սիրիա), նախագահի օգնական Սարգիս Վաթյանը Լոս Անջելեսում հանդիպել են ՀՀ գլխավոր հյուպատոս Կարեն Իսրայելյանի հետ:
Ինչպես տեղեկանում ենք Համահայկական խաղերի համաշխարհային կոմիտեի տարածած հաղորդագրությունից, շուրջ 1,5 ժամ տևած հանդիպման ընթացքում քննարկվել են Համահայկական խաղերի մարզական ավանի կառուցման գործում ամերիկահայերի մասնակցության հետ կապված կազմակերպչական հարցեր: Ալբերտ Բոյաջյանն առաջարկել է ստեղծել հատուկ կոմիտե, որը կզբաղվի միայն վերոհիշյալ խնդրի լուծմամբ:
Հանդիպման ընթացքում Իշխան Զաքարյանը գլխավոր հյուպատոսին է ներկայացրել խաղերի պատմության դինամիկան, ԱՄՆ քաղաքներում Համահայկական խաղերի քաղաքային խորհուրդների ձևավորման ընթացքը, խոսել է նաև ծագած որոշակի դժվարությունների մասին:
Գլխավոր հյուպատոսը խոստացել է ցանկացած հարցով աջակցել տեղական կառույցներին այդ կարևոր գործընթացն արդյունավետ ավարտելու համար:
Այնուհետև պատվիրակությունը Հայ մարմնակրթական ընդհանուր միության «Արարատ» ակումբում հանդիպել է ԱՄՆ հայկական միությունների ներկայացուցիչների հետ: Գործկոմի անդամ Արմիկ Եբրահիմյանը (ԱՄՆ) և պատվավոր անդամ Ալֆրեդ Հավանը (ԱՄՆ) ներկայացրել են կատարված աշխատանքներն ու առաջիկա անելիքները: Կարևորելով կատարված աշխատանքներն, այնուամենայնիվ, Իշխան Զաքարյանն առանձնացրել է մի շարք խնդիրներ, որոնք աչքաթող են արվել և անհրաժեշտ է դրանք շտկել: Պայմանավորվել են առաջիկա օրերին ևս մեկ անգամ քննարկել այդ հարցերը:
ՀԽՀԿ պատվիրակության այցն ԱՄՆ-ում շարունակվում է. սպասվում են կարևոր այլ հանդիպումներ ևս:
1
2
3
4
5
1
2
3
4
5
1
2
5
