Բարի երթ քեզ «Հայի աչքեր», բարի երթ քեզ Դիանա…
Արմեն Մելքոնյանը ֆեյսբուքյան իր էջում գրում է.
Ինչպես արդեն գիտեք, հաղորդավար, սցենարիստ Դիանա Գրիգորյանը նոր նախագիծ է սկսում: <<Հայի աչքեր>> կոչվող նոր հաղորդումը լինելու է սոցիալական թոք շոու, որի նպատակն է օգնել ՀՀ անապահով, սոցիալական ծանր վիճակում գտնվող քաղաքացիների ընտանիքներին: Ինչպես Դիանան է ասում. <<Այն իսկապես մասշտաբային ծրագիր է, շատ հայկական ու շատ մարդկային: Փորձելու ենք ազգովի համախմբվել այն հայի շուրջ, ով ունի օգնության կարիք, և լայնամաշտաբ օգնություն տանք հայ ընտանիքների` հուսահատության, ծայրահեղության հասած խնդիրներին>>:
Նպատակը իրոք վեհ է, ազնիվ, բարեգութ, հուսադրող...
Հաղորդումը շուտով եթեր դուրս կգա ՊանԱրմենիան Մեդիա Գրուպի Արմենիա հեռուստաալիքով: Հուսանք մեր քաղաքացիները, մեր հայրենակիցները, ողջ ազգը` հատկապես գործարարները, բարեգործները ակտիվորեն կմասնակցեն այս կարևոր գաղափարի իրականացմանը, կօգնեն այն կյանքի կոչելու և լուծելու շատ կարևոր ու լուրջ սոցիալական խնդիրներ:
Ինչպես գրված է Աստվածաշնչում. <<…մի ձանձրանաք բարիք գործելուց>>: Դուք մասնակցելով թոք շոուին հաստատ Աստվածահաճո արարք կկատարեք: Կոնկրետ, առարկայական օգնություն, բարեգործություն կցուցաբերեք և ողջ Հայաստանը, աշխարհասփյուռ հեռուստադիտողները ականատես ու մասնակից կլինեն այդ ծրագրին: Ուղիղ եթերում կկազմակերպվի դրամահավաք-հանգանակություն, ուստի անհրաժեշտ է համախմբվել և լինել միասնական…
Բարի երթ քեզ <<Հայի աչքեր>>, բարի երթ քեզ Դիանա…Եվ թող այդ հաղորդման ողջ ընթացքում թևածի բարին, բարի կամեցողությունը, սերը մերձավորի, հայրենակցի, կարիքավորի նկատմամբ…
Բար երթ <<Հայի աչքեր>>, իսկ մեզ` բոլորիս, համախմբվածություն, միասնականություն և ակտիվ մասնակցություն…
1
2
3
4
5
1
3
4
5
1
2
3
5
