Լեոնարդո Դի Կապրիո. Տասը հետաքրքիր փաստ լավագույն դերասանի մասին

Style.news.am-ը գրում է .

Այդքան սպասված «Օսկար 2016»-ն էլ անցավ պատմնության գիրկը: Ֆիլմասերներն այս տարի ավելի շատ սպասում էին ոչ թե բուն մրցանակաբաշխությանը, այլ որպես հաղթող Լեոնարդո Դի Կապրիոյի անունը լսելուն: Դե ինչ, աշխարհի կինոսերների մեծամասնության բաղձալի երազանքն էլ կատարվեց: NEWS.am STYLE-ը եւս միանում է Լեոյին ուղղված բոլոր շնորհավորանքներին եւ նրա հաղթանակի առթիվ ներկայացնում ենք տասը հետաքրքիր եւ ոչ այնքան հայտնի փաստեր սիրված եւ արդեն օսկարակիր դերասանի մասին:

Դերասանի մայրը նրան Լեոնարդո է անվանել, քանի որ, երբ նա հղի էր եւ նայում էր Դա Վինչիի նկարին, Լեոն առաջին անգամ զգացնել տվեց իրեն: Այսպես էլ առաջացավ նրան Լեոնարդո անվանելու միտքը` ի պատիվ հայտնի նկարչի:

Քանի որ Լեոն չէր հաճախում հանրակրթական դպրոց (պատճառը վտանգավոր շրջապատն էր), նա դեռ փոքր տարիքից ներքաշվել էր նկարահանումների մեջ:

Առաջին անգամ Դի Կապրիոն նկարհանվել է հինգ տարեկան հասակում` Romper Room կոչվող հեռուստաշոուում: Սակայն ապագա աստղն այդ ժամանակ, բավականին, աշխույժ երեխա էր եւ սիրում էր ամեն ինչ ջարդել եւ փչացնել: Այդ պատճառով էլ ռեժիսորը հրաժարվեց նրա հետ շարունակել աշխատանքը:

Լեոն ամենասիրելի դերասաններից է, քանի որ նա աչքի է ընկնում ոչ միայն իր տաղանդով, այլեւ կարգապահությամբ: Ի տարբերություն շատ աստղերի` հոլիվուդյան դերասանը երբեք գործ չի ունեցել թմրանյութերի հետ: Այդ պատճառով էլ «Ուոլ Սթրիթի գայլը» ֆիլմի նկարահանումներից առաջ նա այս թեմայով զրուցել է թմրանյութերի մասնագետի հետ, որպեսզի ավելի լավ կարողանա կատարել իր դերը:

Առաջին անգամ Դի Կապրիոն «Օսկարի» առաջադրվել է 1993-ին` «Ի՞նչ է ուտում Գիլբերտ Գրեյփը» ֆիլմում Առնի Գրեյփին մարմնավորելու համար:

2013 թ-ին Hollywoord Reporter-ին տված հարցազրույցի ժամանակ դերասան Մարկ Ուոլբերգը խոստովանել է, որ ինքն ու Դի Կապրիոն իրար բառի բուն իմաստով ատում էին, երբ 1995 թ-ին միասին  նկարահանվում էին «Բասկետբոլիստի օրագրերը» ֆիլմում:

Դի Կապրիոն այնքան սիրված է, որ շատ գրողներ նրա մասին գրքեր են հրատարակել: Օրինակ` հեղինակ Գրեյս Կատալանոն նրա մասին երկու գիրք է հասցրել գրել, երբ դերասանը դեռ 25 տարեկան էլ չկար:

Նա հրաժարվել է նկարահանվել «Ֆոկուս-պոկուս» սարսափ ֆիլմում, որտեղ նրան առաջարկել էին Մաքս Դենիսոնի դերը: Սա այն դեպքում, երբ դերասանին խոստանում էին վճարել ավելին, քան նա երբեւէ կկարողանար վաստակել:

Ժամեր առաջ դերասանն ստացավ իր առաջին «Օսկար» մրցանակը: Շատերը կարծում են, որ Լեոյին վաղուց պետք է շնորհեին արձանիկը: Իսկապես, խոստովանեք, որ մինչ «Փրկվածը» ֆիլմը, Դի Կապրիոն իր կարիերայի մոտ 25 տարիների ընթացքում արդեն հասցրել էր նկարահանվել մի շարք հայտնի ֆիլմերում եւ փայլել իր հերոսներին կերտելու տաղանդով:

Շնորհավոր, Լեո :)

Սյունե Առաքելյան