Կարևոր լուր բնակարան չունեցող զինծառայողների համար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կառավարությունը նախատեսում է փոփոխություններ և լրացումներ կատարել «Զինվորական ծառայության և զինծառայողի կարգավիճակի մասին» ՀՀ օրենքում։

Նախագծով առաջարկվում է վերանայել ծառայողական բնակարանով ապահովման և բնակելի տարածության վարձակալության դիմաց փոխհատուցում ստանալու իրավունքի պայմանները։

Նախագծով առաջարկվում է ծառայողական բնակարանով ապահովման կամ բնակելի տարածության վարձակալության դիմաց փոխհատուցում ստանալու իրավունքը վերապահել այն զինծառայողներին, ովքեր ծառայության վայրից առնվազն 60 կմ հեռավորությամբ չունեն սեփականության իրավունքով բնակելի տարածություն կամ մշտական (փաստացի) հաշվառում։ Նախկինում այդ հեռավորությունը սահմանված էր 30 կմ։

Պայմանագրային զինծառայողներին ամսական դրամական հատուցումը փոխարինվում է բնակելի տարածության վարձակալության դիմաց դրամական փոխհատուցմամբ։

Վարձակալության պայմանագրերի պետական գրանցման ծախսերը նախատեսվում է իրականացնել պետական բյուջեի միջոցների հաշվին՝ բյուջետային տարվա ընթացքում մեկ անգամ։

Օրենքի ընդունմամբ զինծառայողներն ավելի արդյունավետ կօգտվեն բնակարանային ապահովության իրավունքից՝ հաշվի առնելով փոխհատուցման հասցեականությունը և ծառայության վայրից բնակելի տարածության հեռավորության գործոնը։

ՀԻՄՆԱՎՈՐՈՒՄ

Ընթացիկ իրավիճակը և իրավական ակտի ընդունման անհրաժեշտությունը

Զինծառայողների և նրանց ընտանիքի անդամների, զինհաշմանդամների, զինվորական կենսաթոշակառուների սոցիալական իրավունքների հետ կապված հարցերը, զինծառայողների սոցիալական վիճակի բարելավումը և զինծառայողների սոցիալական երաշխիքների ընդլայնումը Կառավարության գործունեության համար առաջնահերթություն են:

«Հայաստանի Հանրապետության կառավարության ծրագրի մասին» Կառավարության 2021 թվականի օգոստոսի 18-ի N 1363-Ա որոշման 1.3-րդ՝ պաշտպանության ոլորտ. հաշվի առնելով զինված ուժերի բարեփոխումներ բաժնում արձանագրված՝ զինծառայողների նյութական և սոցիալական ապահովման երաշխիքներով ապահովելու անհրաժեշտությունը, մյուս կողմից՝ Հայաստանի Հանրապետությունում ճանապարհաշինարարության ակտիվ զարգացումն ու մեկ քաղաքից մյուսը տեղափոխվելու համար անհրաժեշտ միջին ժամանակահատվածը, ինչպես նաև տրամադրվող փոխհատուցումների հասցեականությունն ապահովելու նպատակով առկա է գործող կարգավորումներով ծառայողական բնակարանով ապահովվելու կամ ամսական դրամական հատուցում ստանալու իրավունքից օգտվելու պայմանների վերանայման անհրաժեշտություն:

Առաջարկվող կարգավորման բնույթը

Նախագծով առաջարկվում է ծառայողական բնակարանով ապահովվելու կամ ամսական դրամական հատուցում ստանալու իրավունք վերապահել ծառայության վայրի վարչական տարածքից առնվազն 60 կիլոմետր հեռավորությամբ սեփականության իրավունքով բնակելի տարածություն կամ նույն հեռավորությամբ մշտական (փաստացի) հաշվառման վայր չունեցող զինծառայողներին:

Միաժամանակ պայմանագրային զինծառայողներին վճարվող ամսական դրամական հատուցումը փոխարինել այլ բնակելի տարածություն վարձակալելու դիմաց պայմանագրային զինծառայողներին վճարվող դրամական փոխհատուցմամբ:

3. Նախագծի ընդունմամբ ակնկալվող արդյունքը

Նախագծի ընդունմամբ ակնկալվում է ծառայողական բնակարանով ապահովելու կամ բնակելի տարածության վարձակալության դիմաց դրամական փոխհատուցում ստանալու իրավունքից օգտվելու հնարավորություն ապահովել ծառայության վայրի վարչական տարածքից առնվազն 60 կիլոմետր հեռավորությամբ սեփականության իրավունքով բնակելի տարածություն կամ նույն հեռավորությամբ մշտական (փաստացի) հաշվառման վայր չունեցող զինծառայողներին:

Զինծառայողների կողմից վարձակալության պայմանագրի պետական գրանցման հնարավոր ծախսերի բեռը նվազեցնելու նպատակով նախատեսվում է այն իրականացնել պետական բյուջեի միջոցների հաշվին՝ բյուջետային տարվա ընթացքում մեկ անգամ։

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Ֆինանսների նախարարության և Արդարադատության նախարարության կողմից:

Օրենքի ընդունման կապակցությամբ այլ իրավական ակտերի ընդունման անհրաժեշտությունը և պետական բյուջեի եկամուտներում և ծախսերում սպասվելիք փոփոխությունները.

Նախագծի ընդունմամբ պետական բյուջեում նախատեսվում է եկամուտների ավելացում վարձակալության պայմանագրերի պետական գրանցման վճարների չափով։

ՀՀ պետական բյուջեի ծախսերը կնվազեն՝ բնակելի տարածության վարձակալության դիմաց դրամական փոխհատուցումը ծառայության վայրի վարչական տարածքից առնվազն 30 կիլոմետրի փոխարեն առնվազն 60 կիլոմետր հեռավորությամբ մշտական (փաստացի) հաշվառման վայր չունեցող զինծառայողներին տրամադրելու պարագայում շահառուների թվաքանակի կրճատմամբ պայմանավորված:

Նախագծի ընդունման կապակցությամբ առկա է Կառավարության 2023 թվականի հուլիսի 20-ի N 1219-Ն որոշման մեջ փոփոխություններ կատարելու անհրաժեշտություն: