Պարզվել է Սպիտակ-Վանաձոր երթուղու «Գազել»-ի, «Toyota»-ի վարորդների և 12 վիրավnրների ինքնությունը․ Shamshyan

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ քննչական կոմիտեի Լոռու մարզային քննչական վարչության և ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Տարոնի բաժնի ծառայողները պարզել են երեկ՝ հունվարի 12-ին, Վանաձոր քաղաքի Կարեն Դեմիրճյան փողոցում տեղի ունեցած խոշոր ավտովթարի հետևանքով հիվանդանոց տեղափոխված վիրավորների և վարորդների ինքնությունը։

Ինչպես հայտնում է ֆոտոլրագրող Գագիկ Շամշյանը, Սպիտակ-Վանաձոր երթուղու «Գազել»-ը վարել է Լոռու մարզի բնակիչ 74-ամյա Համլետ Գ․-ն, իսկ «Toyota Prado»-ն վարել է Լոռու մարզի բնակիչ 56-ամյա Գագիկ Դ․-ն։

Ավտովթարի հետևանքով հիվանդանոց են տեղափոխվել ալյուրի վաճառակետի աշխատակից, Լոռու մարզի բնակիչ 24-ամյա Արման Ս․-ն, ինչպես նաև «Գազել»-ի ուղևորներ, Լոռու մարզի բնակիչներ 58-ամյա Գոհար Պ․-ն, 61-ամյա Արմինե Ղ․-ն, 38-ամյա Գայանե Ա․-ն, 33-ամյա Կարինե Ն․-ն, 18-ամյա Էմիլիա Մ․-ն, 69-ամյա Սիրանուշ Թ․-ն, 36-ամյա Գառնիկ Մ․-ն, 30-ամյա Աստղիկ Ե․-ն, 15-ամյա Հայկ Մ․-ն, 21-ամյա Սերյոժա Ս․-ն և 21-ամյա Համլետ Լ․-ն։
 
Գ․ Շամշյանի տեղեկություններով՝ «Գազել»-ը հաշվառված «Միլարեն»  ՍՊԸ-ի հաշվեկշռում։

Ինչպես ավելի վաղ հայտնել էր SHAMSHYAN.com-ը, երեկ՝ հունվարի 12-ին, խոշոր ավտովթար էր տեղի ունեցել Լոռու մարզում։ Ժամը 15:30-ի սահմաններում Վանաձոր քաղաքի Կարեն Դեմիրճյան փողոցում բախվել էին Սպիտակ-Վանաձոր երթուղին սպասարկող մարդատար «Գազել»-ն ու «Toyota Prado» մակնիշի ավտոմեքենան։ 

Վթարի հետևանքով 12 հոգի տարբեր աստիճանի մարմնական վնասվածքներով տեղափոխվել էին «Վանաձոր» բժշկական կենտրոն։

Բախման հետևանքով «Գազել»-ը դուրս էր եկել երթևեկելի գոտուց և հայտնվել «Վանա» ալյուրի խանութի մեջ՝ խանութին պատճառելով խոշոր չափի նյութական վնաս։

Վիրավորներին առաջինը օգնության էին հասել քաղաքացիները և ըստ դեպքի վայրում հավաքված քաղաքացիներ՝ օպերատիվ էին գործել Վանաձորի շտապօգնության բժիշկները, որոնց հետ դեպքի վայր էին ժամանել նաև «Վանաձոր» բժշկական կենտրոնի բժիշկները։ Շտապօգնության և Վանաձորի հիվանդանոցի բժիշկները վիրավորներին մինչև հիվանդանոց տեղափոխելը տեղում առաջին բուժօգնություն էին ցուցաբերել։

Վթարի փաստով քննչական վարչությունում նախաձեռնվել էր քրեական վարույթ: