Շաբաթական քանի՞ անգամ պետք է սեքսով զբաղվել

Սեքսոլոգները ապացուցել են, որ մարդու ֆիզիկական եւ հոգեւոր վիճակը մեծապես ազդում է նրա սեռական կյանքի վրա։ Իսկ շաբաթվա ընթացքում քանի՞ անգամ պետք է սեքսով զբաղվել։

Շաբաթական մեկ անգամ սեքսով զբաղվելը խորհուրդ է տրվում նրանց, ովքեր հետեւում են իրենց կազմվածքին կամ տառապում են անքնությամբ։ Սեքսը խթանում է օրգանիզմում օքսիտոցին հորմոնի արտադրությանը, ինչը կարգավորում է ձեր ախորժակն ու քունը։

Շաբաթական երկու անգամ սիրով զբաղվելը օգտակար է սուր շնչառական խնդիրներ ունեցող զուգընկերներին։ Այսպիսի ռիթմի պայմաններում արյան մեջ աճում է А իմունագլոբուլինի մակարադակը, որը նպաստավոր ազդեցություն է ունենում օրգանիզմի վրա։

Շաբաթական երեք անգամ սեռական հարաբերություններ ունենալը դրականորեն է ազդում սիրտ-անոթային համակարգի աշխատանքի վրա։ Այս դեպքում սեքսը կարգավորում է սրտի աշխատանքն ու արյան շրջանառությունը, ինչպես նաեւ կրկնակի նվազեցնում կաթվածի հավանականությունը։

Շաբաթական չորս անգամ սիրով զբաղվելը բարելավում է դեմքի մաշկի արտաքին տեսքը։ Սեռական ակտի ժամանակ արտադրվում է աճի հորմոնը, որի շնորհիվ վերականգնվում են մաշկի բջիջները եւ առողջ տեսք ու գեղեցիկ փայլ տալիս մաշկին։

Շաբաթական հինգ անգամ սեռական հարաբերություններ ունենալը օգտակար է ստեղծագործական եւ մտավոր աշխատանքով զբաղվող մարդկանց։ Այս պարագայում սեքսը օգնում է նրանց կենտրոնանալ աշխատանքի վրա եւ բարձրացնել իրենց պոտենցյալը։

Շաբաթական վեց անգամ սեքսով զբաղվելը բարձրացնում է ինտելեկտը եւ նպաստում տեղեկատվության ավելի դյուրին ընկալմանը։

Իսկ եթե պատրաստ եք ամեն օր սիրով զբաղվել ձեր զուգընկերոջ հետ, ուրեմն էնդորֆին հորմոնի մակարդակի աճը կնպաստի ձեր տրամադրության եւ ինքնազգացողության բարձրացմանը։

Աղբյուրը՝ NEWS.am STYLE