Քաղաքական համախմբման նախադրյալ կարող է լինել ևս երկու խորհրդարանական կուսակցության վերածնունդը

Արսեն Արզանյանը ֆեյսբուքյան իր էջում գրում է.

Այնպիսի ծանր քաղաքական իրավիճակում ենք գտնվում, որ շատ ուժեր անգործության են մատնվել, հիմնական խաղացողներից կամ խորհրդարանական կուսակցություններից ոմանք իրենց վերջին ցանկությունն են հայտնում՝ լինելու հաջորդ գումարմանը ազգային ժողովում: Իհարկե, որոշներին կհաջողվի, բայց ուժեր կան որ իրոք կանգնած են փլուզման և տարալուծման եզրին և սա այն պարագայում , երբ վերջին տասնամյակում հայկական քաղաքական պլատֆորմը ընդունեց իր էվոլուցիոն վերջնական տեսքը: 

Եթե ուշադիր լինենք կհասկանանք, որ անցում ենք կատարելու երկբևեռ քաղաքական դաշտին` իշխանական բևեռի առաջին անառողջ ծիլերը արդեն երևում են, խնդիրը միասնական ընդիմադիր ճակատի ձևավորման մեջ է: Եվ հենց ընդիմադիր ուժերի չհամակարգված գործունեությունը կբերի թե‘ իրենց կործանման, թե‘ ժողովրդի քվեի կորստին: Մի խնդիր էլ է առկա. հանգամանքնրի բերումով շատ պատգամավորներ որբացել են և առաջիկա ընտրություններին քաղաքական ապաստան չխնդրելու պատճառով` ընկել երանությունների գիկը և դարակազմիկ որոշումներ են կայացնում` հիմնել նոր կուսակցություններ:

Միասնական ճակատը իրենից ենթադրում է քաղաքական համախմբում և որպես նախադրյալ կարող է լինել ևս երկու խորհրդարանական կուսակցությունների վերածնունդը: