Աշոտ Ադամյանը եւ Հարություն Մովսիսյանը՝ Նատալյա Կրաչկովսկայայի մասին
Այսօր՝ մարտի 3-ին, 78 տարեկան հասակում կյանքից հեռացել է սովետական եւ ռուսական կինոյի ու թատրոնի տաղանդավոր դերասանուհի Նատալյա Կրաչկովսկայան։ Դերասանուհին նկարահանվել է մի շարք հայտնի ու սիրված ֆիլմերում՝ «12 աթոռ», «Հարսնացուն հյուսիսից», «Հանդիպման վայրը փոխել չի կարելի», «Կտոր մը երկինք» եւ այլն։
«Շատ եմ ցավում. Շատ ջերմ եւ հետաքրքիր անձնավորություն էր։ Շատ շնորհքով դերասանուհի էր»,-NEWS.am STYLE-ի հետ զրույցում նշեց «Կտոր մը երկինք» ֆիլմի գլխավոր դերակատար Աշոտ Ադամյանը, որը խոսելով դերասանուհու մասին՝ հիշեց նրա արտաբերած խոսքերը.
«Նա ասում էր. «Նիհար դերասանուհիներ շատ կան եւ ես ուրախ եմ, որ տարբերվում եմ նրանցից իմ կառուցվածքով»»։
Աշոտ Ադամյանն ու Նատալյա Կրաչկովսկայան մտերիմ էին նաեւ ֆիլմից դուրս.
«Նկարահանումներն ավարտվում էին ուշ երեկոյան եւ հաճախ միասին խաշ էինք ուտում»,-հիշում է դերասանը եւ հավելում.
«Ես կհիշեմ նրան։ Կհիշեմ իր տեսակով եւ գույնով»։
Նույն ֆիլմում նկարահանված դերասան Հարություն Մովսիսյանը եւս, բավականին, մտերիմ էր դերասանուհու հետ։ Վերջին անգամ դերասանը Կրաչկովսկայային հանդիպել է երկու տարի առաջ.
«Բավականին նիհարած էր»,-ասում է Հարություն Մովսիսյանը, որը եւս ֆիլմի նկարահանումների հետ կապված հիշողություններ ունի.
«Ֆիլմում մի տեսարան կա, որտեղ ես եւ նա պարում ենք։ Նատալյայի գիրության պատճառով, ձեռքերս չէին հասնում, որ գրկեի նրան... Շատ լավ մարդ էր՝ պահի մարդ։ Երբեք անցյալն իր համար դրոշակ չէր սարքում։ Ի՞նչ կարող եմ ասել։ Ցավում եմ, որ այլեւս մեզ հետ չէ»։
Կրաչկովսկայան հոսպիտալացվել էր փետրվարի 27-ին՝ միոկարդի կաթված ախտորոշմամբ։
Սյունե Առաքելյան
Լուսանկարը՝ www. medialab.am-ի եւ Մելինե Տոնոյանի
1
2
3
4
5
1
4
2
3
4
5
