Հետաքրքիր է իմանալ

Արմեն Զատիկյանը ֆեյսբուքյան իր էջում գրում է.

Հայաստանում այսօր, կյանքի տարբեր բնագավառներում շատ կան երիտասարդներ, անգամ ֆեյսբուքից էլ է դա երևում, խնամքով պահված, ինքնավստահ արտաքինով տղաներ ու աղջիկներ, որոնք ունեն աշխատանք, որը հնարավորություն է տալիս իրենց շատ շատերից լավ ապրել: Եվ պետք է ասել, որ վատ էլ չեն «աբռվում»: Ըստ երևույթին հայրիկ մայրիկներն էլ պարապ չեն և եթե իշխանավորների չափ չեն վայելում «ապահով» Հայաստանը, ապա նրա շարքային, բողոքավոր քաղաքացուց բավականին տարբերվում են:

Հետաքրքիրը նա է, որ սրանք նույնպես քննադատում են հանցագործ ռեժիմին, ոմանք անգամ ակտիվ պայքար են մղում երիտասարդական շաժումներում: Սակայն ինձ մի բան է հետաքրքրում, ինչպե՞ս են այս մարդիկ պատկերացնում ռեժիմի տապալումը, եթե իհարկե դա պատկերացնում են և իրոք ցանկանում: Ինչպե՞ս են դա հնարավոր համարում, երբ իրենք զբաղված են իրենց աշխատանքով ու կարիերայով, իսկ ոմանք, կրկնում եմ նույնիսկ բավական հաջողակ են դուրս եկել այդ հարցում:

Կարծում եմ նրանք այնքան գրագետ են ու հասկացող, որ շատ լավ գիտեն, որ Հայաստանի գերխնդիրը ազատությունն է, բռնապետության տապալումը, ազատ ժողովրդավար հասրակարգի կերտումը: Արդյոք իրենք պատրա՞ստ են դա անելու, աշխատանքի չգնալու, փող չշինելու, իրենց հաճույքներից զրկվելու, իրենց կարիերան խորտակելու հաշվին...