4 ՍՊԱ-ընթացակարգ, որոնք կարելի է կատարել տանը

ՍՊԱ-սրահում անցկացրած օրը օգնում է հանել սթրեսը, վերականգնել ուժերը և գեղեցկությունը: Բայց ե՞րբ եք դուք վերջին անգամ այդտեղ եղել:

Իհարկե մարմնի պրոֆեսիոնալ խնամքը հիանալի է, սակայն գոյություն ունեն նաև ավելի էժան և ոչ պակաս արդյունավետ մաշկը երիտասարդեցնող և առողջացնող ընթացակարգեր, որոնք կարելի է անել տնային պայմաններում:

Համալիր՝ աչքերի համար

Պատրաստման համար անհրաժեշտ են․

- ½ թեյի գդալ ժոժոբայի յուղ
- ½ թեյի գդալ շիի յուղ
- 1 բաժակ ջուր
- 2 պարկիկ երիցուկի թեյ
- 2 պարկիկ կանաչ թեյ։

Պատրաստման եղանակը․

Խառնեք ոչ մեծ տարրայի մեջ ժոժոբայի և շիի յուղերը: Ջեռոցի մեջ տաքացրեք մեկ բաժակ ջուրը (1 րոպե), որից հետո դրա մեջ գցեք թեյերի պարկերը՝ պահելով մի քանի վայրկյան: Թեթև քամեք թեյի պարկերը, պառկեք բազմոցին, փակեք աչկերը, դրեք երիցուկի թեյով պարկիկը աչքերի վերին կոպերի վրա, իսկ կանաչ թեյովը ներքևի հատվածում: Հանգստացեք 10 րոպե: Հանեք պարկերը, թաթախեք մատը նախօրոք պատրաստված յուղային խառնուրդի մեջ և քսեք աչքերի շուրջ գտնվող մաշկին:

Սկրաբ շուրթերի համար

Պատրաստման համար անհրաժեշտ են․

- ½ թեյի գդալ մեղր
- ½ թեյի գդալ շաքարավազ
- ¼ կիտրոնի հյութ
- 1 ճաշի գդալ կոկոսի յուղ
- E վիտամինի պատիճի միջուկ
- 1 կաթիլ կիտրոնի եթերային յուղ։

Պատրաստման եղանակը․

Տարրայի մեջ խառնեք մեղրը, շաքարավազը և կիտրոնի հյութը: Մատը թաթախեք խառնուրդի մեջ և քսեք շրթունքներին շրջանային շարժումներով, որպեսզի մաքրեք մահացած հյուսվածքներից: Լվացեք գոլ ջրով: Մեկ այլ տարրայի մեջ խառնեք մնացած բաղադրիչները և քսեք շրթունքներին: Այս խառնուրդները կարելի է պահել սառնարանում մեկ շաբաթվա ընթացքում:

Դիմակ դեմքի չոր մաշկի համար

Պատրաստման համար անհրաժեշտ են․

- 2 ճաշի գդալ քաղցր նուշի յուղ
- E վիտամինի պատիճի միջուկ
- 1 թարմ ավոկադո՝ առանց կեղևի և կորիզի
- 3 ճաշի գդալ ձիթապտղի ձեթ
- 2 ճաշի գդալ մածուն
- 1 ճաշի գդալ մեղր։

Պատրաստման եղանակը․

Լցրեք նուշի յուղը և E վիտամինը  հեղուկացիրով փոքր շիկի մեջ և լավ թափահարեք: Տարրայի մեջ խառնեք մնացած բաղադրիչները: Քսեք դեմքին և թողեք 20 րոպե: Այնուհետև լվացվեք գոլ ջրով: Դրանից հետո ցանեք յուղը շշից դեմքի մաշկի վրա և մատներով քսեք այն մինչև ներծծվի:

Դիմակ դեմքի յուղոտ մաշկի համար

Պատրաստման համար անհրաժեշտ են․

- ¼ թարմ պապայա
- 2 ճաշի գդալ մածուն
- ½ անգլիական աղ
- 1 պարկիկ անանուխի թեյ։

Պատրաստման եղանակը․

Պատառաքաղով ճզմեք պապայան: Մեծ կաթսայով ջրում լուծեք անգլիական աղը և այնտեղ գցեք  թեյի պարկիկը: Եռացրեք ջուրը, հանեք գազօջախի վրայից, դրեք սեղանի վրա, նստեք, խոնարհեք գլուխը կաթսայի վրա, սրբիչով ծածկվեք այնպես, որ գոլորշին դուրս չգա, և այդպես մնացեք 3 րոպե: Դրանից հետո թեթևակի սրբեք դեմքը և քսեք պապայան, թողեք այն 10 րոպե, այնուհետև լվացվեք գոլ ջրով:

Աղբյուր՝ LADYNEWS.am