Ինչպես է կինն իր տղամարդուն «տնական» դարձնում
Կինը միշտ ցանկանում է իր կողքին իսկական Տղամարդու տեսնել: Իսկական առնական բնավորությամբ, խիզախ, ինքնավստահ, իր աներեր կարծիքով: Բայց զարմանալի է այն, որ երբ կինը հանդիպում է նման «արուի», նպատակաուղղված փորձում է վերափոխել նրան: Ստացվում է, որ կինը տղամարդու մեջ գիտակցաբար սպանում է նրա ամբողջ առնականությունը:
Նա հանդիպել է իր երազանքների տղամարդուն: Նա ակտիվ է, լավ է վաստակում, համակրելի է, հումորի զգացումով: Սպորտով է զբաղվում, մոտոցիկլետ է քշում, հանգստյան օրերին ընկերների հետ գնում է ձուկ որսալու կամ բաղնիք, իսկ երբեմն վրանով գնում է ոչ հեռու արշավների: Ժամանակի ընթացքում նրանց միջեւ սիրավեպ է սկսվում: Եվ որքան ավելի երկար են հանդիպում, այնքան կինը սկսում է անհանգստանալ, չէ որ նրա բոլոր հակումներն այնքան էլ անվտանգ չեն: Իսկ առջեւում հարսանիքն է, ընտանեկան կյանքը, երեխաները. հո դրա պատճառով մենակ չի մնալու:
Դրա համար կինը սկսում է աստիճանաբար նրան համոզել հրաժարվել այդ ամենից. եւ տղամարդու համար ապահով կլինի, եւ ավելի շատ ժամանակ կկարողանան անցկացնել երկուսով: Ստեղծված ժամանակն անհրաժեշտ է ինչ-որ բանի վրա ծախսել (բայց ոչինչ չկա անելու), լավագույն դեպքում կարելի է բազմոցին պառկել կամ համակարգչի առաջ անցկացնել: Նման անգործություն տեսնելով` կինն անընդհատ հիստերիայի մեջ է ընկնում` նրան մեղադրելով ալարկոտության համար: Այսպես օրեցօր շարունակվում է, մինչեւ որ կինն իր համար ուրիշ` իսկական տղամարդու է ճարում, որը հետաքրքրություններ ունի եւ իրենից ինչ-որ բան է ներկայացնում:
Այսպես, տղամարդուն եւ իրեն ապահովելու ցանկությունից ելնելով` կինը տղամարդուն «տնական» է դարձնում, ինչը հակառակ է նրա բնույթին: Իհարկե, կնոջ համար անհամեմատ ավելի հեշտ է տղամարդուն տանը փակել. եւ միշտ վերահսկողության տակ կլինի, եւ այն վտանգը, թե ուրիշ կին կփախցնի նրան, զրոյի է հավասար: Բայց հետո կանայք իրենք զարմանում են, որ իրենց տղամարդը փոխվել է, անհետացել է «այն», ինչի համար ինքը սիրել էր նրան: Դա կորել է ինչ-որ տեղ, կիրքն անհետացել է, հարաբերություններն անհամ են դարձել: Իսկ «դա» ոչ մի տեղ էլ չի կորել. այն ոչնչացվել է հենց կնոջ ձեռքով: Ըստ էության, նա ինքն է փոխել տղամարդուն, նրան հարմարեցրել ընտանիքին, իրեն, կենցաղին, իսկ հետո այդ փոփոխությունները նրան անտանելի են թվում, չէ որ նա հենց այն վայրի, ծայրահեղական, խիզախ տղամարդուն էր սիրել: Բայց չի հասկանում, որ նրան այդպիսին են դարձրել հենց այդ «վտանգավոր» հակումները: Այո, տղամարդն իրեն վտանգի է ենթարկում, կարող է հաշմանդամ դառնալ, նրա վրա ուշադրություն են դարձնում այլ կանայք: Բայց նա հենց դրա համար է Տղամարդ, ոչ թե տնային կատու, որպիսին նրան ուզում է տեսնել կինը:
Աղբյուրը`Kleo
1
2
3
4
5
1
4
2
3
4
5
