Ուրիշի կնոջը երկար նայելու համար 17-ամյա երիտասարդին uպանելու գործով 1 անձ կալանավորվեց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Սպիտակում արտառոց ու դաժան սպանություն էր տեղի ունեցել։ Մարտի 18-ին Սպիտակ քաղաքի գերեզմանատան տարածքում 20-ամյա և 22-ամյա եղբայրներն ու նրանց հորաքրոջ 20-ամյա որդին անձնական հարցերի շուրջ վիճաբանել են համաքաղաքացի 17-ամյա երիտասարդի հետ, որի ընթացքում 22-ամյա երիտասարդը դանակով հարվածել է 17-ամյա երիտասարդի կրծքավանդակին, ինչի հետևանքով նա մահացել է։

Քրեական ոստիկանության Լոռու մարզի ծառայողները պարզել են, որ վեճը եղել է 17-ամյա երիտասարդի կողմից 20-ամյա երիտասարդի կնոջը երկար նայելու պատճառով։

MediaHub-ը ՔԿ նախագահի մամուլի քարտուղար Կիմա Ավդալյանից տեղեկացավ, որ 17-ամյա երիտասարդին սպանելու գործով 1 անձ կալանավորվեց։

«Սպիտակում տեղի ունեցած սպանության գործով 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 5-րդ կետով, 297-րդ հոդվածի 2-րդ մասի 1-ին կետով և 334-րդ հոդվածի 1-ին մասով, երկու անձի նկատմամբ՝ 195-րդ հոդվածի 2-րդ մասի 5-րդ կետով և 297-րդ հոդվածի 2-րդ մասի 1-ին կետով: 1 անձի նկատմամբ որպես խափանման միջոց է կիրառվել կալանքը»,- նշեց Ավդալյանը։

Մարիաննա Արամյան

Հետևեք մեզ՝ այստեղ