Արևային բումը Չինաստանում մաքուր էներգետիկան հասցրել է նոր մակարդակի

Ըստ Միջազգային վերականգնվող էներգիայի գործակալության (IRENA) տվյալների, անցած տարի ամբողջ աշխարհում վերականգնվող էներգիայի ներդրումները գրանցել են ռեկորդային ցուցանիշ՝ աշխարհի նոր էլեկտրաէներգիայի 92,5 %-ն ապահովվել է արևի, քամու և այլ մաքուր աղբյուրների հաշվին: Ընդ որում, այդ ոլորտի նոր հզորությունների գրեթե 64 %-ը բաժին է ընկել Չինաստանին:

Աշխարհում արտադրվել է վերականգնվող էներգիայի 585 միլիարդ վատտ նոր հզորություն, որը 15,1 %-ով ավելի է, քան 2023 թվականին: Արևը, քամին և այլ մաքուր (ոչ միջուկային) աղբյուրներն այժմ ապահովում են գլոբալ էլեկտրաէներգիայի 46 %-ը:

Սակայն նույնիսկ այս աճը բավարար չի լինի աշխարհին՝ մաքուր էներգիայի օգտագործումը 2023-ից 2030 թվականներն ընկած ժամանակահատվածում եռապատկելու համար, ինչպես նախատեսված է 2023 թվականին կլիմայական ճգնաժամի դեմ պայքարի և վառելիքային ռեսուրսներից հրաժարվելու միջազգային ծրագրերում: IRENA-ի գնահատմամբ, վերականգնվող էներգիայի աճի տեմպերը 28 %-ով ցածր կլինեն այդ նպատակին հասնելու համար անհրաժեշտ մակարդակից:

2024 թվականին Չինաստանը մաքուր էներգիայի արտադրությունն ավելացրել է գրեթե 374 միլիարդ վատտով, որի 75 %-ը բաժին է ընկել արևային էներգիային: Սա 8 անգամ գերազանցում է ԱՄՆ-ի և 5 անգամ՝ Եվրոպայի ցուցանիշներին:

Ներկայումս Չինաստանում արևային էներգիայի հզորությունը կազմում է մոտ 887 միլիարդ վատտ, մինչդեռ ԱՄՆ-ում այն կազմում է 176 միլիարդ, Գերմանիայում՝ 90 միլիարդ, Ֆրանսիայում՝ 21 միլիարդ, իսկ Մեծ Բրիտանիայում՝ ավելի քան 17 միլիարդ վատտ:

ՄԱԿ-ի կլիմայի հարցերով գլխավոր քարտուղար Սայմոն Սթիլն այս տվյալներն օգտագործել է՝ չորեքշաբթի օրը Եվրոպային և այլ զարգացած երկրներին կոչ անելով «հասնել Չինաստանի մակարդակին»:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]