Կեղծիքների արշավ, որն ինչ-որ մեկին պետք է

MaxInfo.am-ը գրում է.

Օրերս համացանցում լուրեր էին շրջանառվում այն մասին, թե իբր կաթնամթերք արտադրող ընկերություններից մեկն անորակ, տարբեր վնասակար նյութեր պարունակող կաթնամթերք է առաքել սպառողներին: Խոսքը վերաբերում «Մարիլա» ընկերության կաթին և մածնին, և, ըստ հայտարարությունների, այդ կաթնամթերքների մեջ առողջության համար վնասակար նյութեր կան: Ի դեպ, տեղեկությունը տարածողը ոչ թե ստուգող, համակարգը վերահսկող մարմին է, այլ ընդամենը մի օգտատեր, որի հրապարակումն էլ «հալած յուղի» տեղ ընդունելով, որոշ կայքեր անմիջապես լծվել են նյութի տարածմանը: Այն, որ մեր ոչ բոլոր ընկերություններն են բարեխիղճ արտադրողներ, որ հաճախ համային և որակական խնդիրներ են առաջանում որոշ կաթնամթերքների մեջ՝ հայտնի է շատերին, տարբեր ահազանգեր են հնչել:

Բայց «Մարիլա» ընկերության դեպքում գործ ունենք ոչ միայն ապատեղեկատվության, այլ ինչ-ինչ շահերի հետապնդման հետ: Եթե «Մարիլա» ընկերության արտադրանքն իսկապես իր մեջ առողջության համար վտանգավոր բաղադրամասեր պարունակեր, ապա անպայմանորեն սննդի անվտանգության խնդիրներով զբաղվող պետական ու հասարակական կառույցներն անմիջապես կարձագանքեին, համապատասխան եզրակացություններ կհրապարակեին: Բայց, ինչպես տեսնում ենք, պատկան մարմինները ոչ միայն չեն կասկածել ընկերության թողարկած արտադրանքին, այլև ավելորդ են համարել խնդրի հրապարակայնացումը:

Ընկերությունն ունի համապատասխան փորձաքննության եզրակացություն, որը հավաստում է վնասակար նյութերի բացակայությունը: Եվ դա ձեռք չի բերվել կեղծիքով: Ուստի, հենց եզրակացությունը պիտի հիմք համարել, չառաջնորդվել բամբասանքներով, որոնք, բնականաբար,ծնունդ են առնում հաշիվներ մաքրելու, այս կամ այն արտադրողին անամոթ հարվածներ հասցնելու «փիլիսոփայությամբ»:

Շարունակությունը` սկզբնաղբյուրում: