Դժվար թե Հայաստանը կարողանա համատեղել մասնակցությունը ՀԱՊԿ-ին եւ ԵԱՏՄ-ին Եվրամիության հետ. ՌԴ ԱԳՆ ներկայացուցիչ
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Դժվար թե Հայաստանը կարողանա համատեղել մասնակցությունը ՀԱՊԿ-ին եւ ԵԱՏՄ-ին Եվրամիության հետ։ Այս մասին ապրիլի 2-ին Երեւանում լրագրողների հետ զրույցում ասել է ՌԴ ԱԳՆ հատուկ հանձնարարությունների գծով դեսպան Ռոդիոն Միրոշնիկը։ Նրա խոսքով՝ Ռուսաստանը միշտ ընդգծել է, որ մտադիր չէ միջամտել պետությունների, այդ թվում՝ Հայաստանի ներքին գործերին։ Նա ավելացրել է, որ սա անկախ որոշում է՝ միաժամանակ ուշադրություն հրավիրելով այլ երկրների նմանատիպ մի շարք գործողությունների վրա։
«Ուկրաինան վաղուց իր Սահմանադրության մեջ ներառել է Եվրամիությանն ու ՆԱՏՕ-ին միանալու ցանկությունը. որքանո՞վ է Ուկրաինան առաջընթաց գրանցել այդ գործընթացում: Ուստի կարծում եմ, որ քաղաքական գործիչները պետք է որոշ անալոգիաներից եզրակացություններ անեն, որոնք կբխեն բացառապես Հայաստանի ժողովրդի շահերից»,- նշել է Միրոշնիկը։ Դեսպանը մատնանշել է, որ անհրաժեշտ է ինքնուրույն վերլուծել այն մոտեցումները, որոնց հիման վրա որոշակի որոշումներ են կայացվում։
«Վերլուծեք, թե որքանով է Հայաստանը շահագրգռված Եվրամիություն շարժվելով, այս առումով ինչ տնտեսական հեռանկարներ կան։ Գնահատեք այն շուկաները, որոնցում ներկա է Հայաստանը եւ ինչ եկամուտներ է ստանում այդ համագործակցությունից։ Դժվար թե կարողանաք երկու աթոռի վրա նստել»,- ընդգծել է նա։
ՌԴ ԱԳՆ ներկայացուցիչը նշել է, որ Ռուսաստանը ողջունում է Հայաստանի հետ հարաբերությունների զարգացումը բոլոր մակարդակներում, ներառյալ տնտեսական նախագծերը, որոնք զարգանում են Ռուսաստանի եւ Հայաստանի միջեւ։ Մոսկվան կցանկանար խորացնել նորմալ հարաբերություններ նաեւ ՀԱՊԿ շրջանակում. «Ռուսական կողմից դուռը բաց է, թե ինչ մտքերով է առաջնորդվում Հայաստանը՝ Հայաստանի ղեկավարությունն ավելի լավ գիտի»,- եզրափակել է նա։
Հետևեք մեզ՝ այստեղ
1
2
3
4
5
1
2
3
4
5
1
3
4
