5 սշալ,որոնք անում ենք թարթչաներկը քսելիս (լուսանկարներ)

Wnews.am-ը գրում է .

Ձեր հայացքի արտահայտիչ ու գրավիչ լինելը էապես պայմանավորված է խիտ ու երկար թարթիչներով։ Որպեսզի աչքերը գեղեցիկ դիմահարդարված լինեն, պետք է սովորեք ճիշտ օգտագործել թարթչաներկը։

Wnews.am-ը ներկայացնում է այն հինգ տարածված սխալները, որոնք շատերն անում են թարթչաներկը քսելիս.

Շատ շերտեր եք քսում. Որքան շատ եք թարթչաներկ քսում, այնքան ավելի տգեղ է դա դիտվում։ Այն իրար է կպցնում թարթիչները կամ  հավաքվում  դրանց վրա։ Բացի այդ, այդպիսով արհեստական տեսք եք ստանում։ Հիշեք, որ շատ թարթչաներկեր նախատեսված են ընդամենը երկու շերտով քսելու համար եւ դա բավարար է, որ թարթիչները լինեն երկար ու խիտ։

Կտրուկ եք բացում ու փակում թարթչաներկը. Սրվակում օդի ներթափանցման պատճառով այն սկսում է շուտ չորանալ եւ թարթիչների վրա գնդեր առաջացնել։ Այդ պատճառով էլ տուփը բացելուց եւ փակելուց աշխատեք դա անել խոզանակը պտտացնելով։
Շատ երկար եք օգտագործում. Հաճախ շատերը բավականին երկար են օգտագործում իրենց թարթչաներկը ինչն էլ աչքերի կարմրության եւ բորբոքման պատճառ է հանդիսանում։ Փորձեք մի թարթչաներկն օգտագործել ոչ ավել, քան երեք ամիս։

Չեք ներկում թարթիչների արմատները. Եթե թարթչաներկը քսում եք միայն ծայրերին, տեսողականորեն թարթիչները կարճացնում եք։ Որպեսզի հայացքն արտահայտիչ լինի, թարթիչները պետք է ներկել արմատներից սկսած։

Շտապում եք. Խոզանակով կտրուկ շարժումները ստեղծում են աչքերի ոչ կոկիկ դիմահարդարում։ Հավանաբար շատ եք նկատել կոպերին թարթչաներկի հետքեր։ Դրանից խուսափելու համար ավելի լավ է դանդաղեցնեք թարթչաներկ քսելու պրոցեսը։