Առաջին անգամ Հայաստանում կանցկացվի «Փայտփորիկ» սոլֆեջոյի հանրապետական օլիմպիադան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ կրթության, գիտության, մշակույթի և սպորտի նախարարության աջակցությամբ և Երևանի Սայաթ-Նովայի անվան երաժշտական դպրոցի նախաձեռնությամբ առաջին անգամ կանցկացվի «Փայտփորիկ» սոլֆեջոյի հանրապետական օլիմպիադան:

Օլիմպիադան գեղարվեստական կրթության ոլորտի կարևորագույն ուղղություններից մեկի՝ սոլֆեջոյի գծով ստուգատես-մրցույթ է, որը կիրականացվի Երևանում և ՀՀ մարզերում: Այն անցկացվելու է 2 փուլով՝ մարզային/երևանյան և եզրափակիչ:

Առաջին անգամ Հայաստանում իրականացվող ծրագրի շրջանակում ՀՀ-ում գործող երաժշտական և արվեստի դպրոցների սովորողները մրցակցային պայմաններում կներկայացնեն «Սոլֆեջո» առարկայի գիտելիքներն ու դասավանդման արդյունքները: Օլիմպիադան անցկացվում է հանրապետության երաժշտական և արվեստի դպրոցների 2024-2025 թթ. ուստարվա 7-րդ դասարանցիների միջև:

Օլիմպիադային ընդառաջ՝ ՀՀ ԿԳՄՍ նախարարության աջակցությամբ Երևանի Սայաթ-Նովայի անվան երաժշտական դպրոցում իրականացվել են սեմինար-խորհրդակցություններ, որոնց մասնակցել են շուրջ երաժշտական և արվեստի դպրոցների 200 տնօրեններ ու սոլֆեջոյի դասատուներ:

Օլիմպիադայի առաջին փուլը, որի մասնակցության համար հայտագրված է 192 աշակերտ, կկայանա մայիսի 27-ին՝ ժամը 11:00-ին, Երևանում և ՀՀ մարզերում /ժամանակացույցը կցվում է/:

Այն սովորողները, որոնք մարզային փուլում թեստային առաջադրանքից կստանան 23-30 միավոր, կմասնակցեն Երևանում կայանալիք եզրափակիչ փուլին:

Հետևեք մեզ՝ այստեղ