3 արագ արվող սանրվածք մարտի 8-ի համար

Մարտի 8-ին բոլորս էլ ցանկանում ենք լինել էլ ավելի գեղեցիկ։ Այս օրը յուրահատուկ է. այն մերն է, ուստի սովորական առօրյա կերպարին անհրաժեշտ է թարմություն հաղորդել ինչպես սանրվածքի, այնպես էլ դիմահարդարման միջոցով։

Wnews.am-ն առաջարկում է երեք սանրվածք, որոնք կարող եք ինքնուրույն ստանալ.

Հոլիվուդյան ալիք գեղեցիկ հյուսքով.

Հոլիվուդյան ալիքը վաղուց արդեն դասական սանրվածքների թվին է դասվում։ Մի կողմի վրա ընկած ալիքավոր վարսերը գեղեցկացնում են դեմքը, կանացիություն եւ էլեգանտություն հաղորդում։ Հաճախ նման սանրվածքը գեղեցիկ է դիտվում բաց ուսերով զգեստի հետ։ Նման սանրվածքը լավ է համադրվում կարմիր շրթներկով։

Ինչպե՞ս ստանալ

.

1. Չորացրեք վարսերը գլուխը կախ, որպեսզի վարսերին փարթամություն հաղորդեք։ Վարսերի արդուկով փաթաթեք լոքոնները, հետո ձեռքերով բարձրացրեք դրանք, որպեսզի վարսերին թեթեւություն հաղորդեք։

Վարսերը մի կողմի վրա տարեք։ Առանձնացրեք մի փունջը հյուսքի համար։

2. Առանձնացված ներքեւի փնջից սկսեք հյուսք անել։Նման երկու հյուսքեր արեք եւ ամրացրեք գլխին։

Փարթամ հյուսք.

Երկար վարսերին ազատ հյուսքը միշտ էլ ոճային ու կանացի է։ Նման սանրվածքը գեղեցիկ է դիտվում  smoky eyes-ի, աչքերի սլաքների հետ։

Ինչպես ստանալ.

1. Վարսերը մի կողմի վրա բերեք, ցանկության դեպքում մի քանի փնջեր թողեք դեմքին։ Արմատները բարձրացրեք, որպեսզի փարթամություն ստանաք։ Առանձնացրեք միջին չափի փունջ ու սկսեք արմատից  հյուսել։
2. Հյուսելու ընթացքում  աստիճանաբար այլ մազափնջեր ներգրավեք։
3. Հետեւեք, որ հյուսը ոչ թե սեղմ լինի, այլ փոքր ինչ ազատ։
4.  Բոլոր կողմերից արմատները հյուսքում միաձուլելուց հետո ազատորեն ավարտեք հյուսքը եւ կապեք սիլիկոնե ծամակալով։
5. Զգուշորեն բացեք հյուսքը։

Եթե ցանկանում եք դասական սանրվածք, ապա կարող եք ընտրել լուսանկարում ներկայացված տարբերակը։ Հյուսքով կոսը իսկապես նրբաճաշակությունը նախընտրող կանանց համար է։ Այն կարելի է համադրել աչքերի սլաքների եւ վառ գույնի շրթներկի հետ։

Ինչպես ստանալ.

1. Մազերի երկայնքով չոր շամպուն քսեք. այն կօգնի, որ փնջերը միասին մնան եւ դուրս չպրծնեն։ Վարսերը երկու մասի բաժանեք. դրանք կարող են լինել ինչպես տարբեր, այնպես էլ՝ հավասար չափերի։

Առանձնացրեք առաջնային փունջն ու սկսեք հյուսել այն։
2. Հյուսքն այնպես արեք, որ աստիճանաբար նոր մազափնջեր ներգրավեք։ Դադարեք նոր մազափնջեր ներգրավել ականջից ներքեւ։
3. Սկսեք երկրորդ հյուսքը հյուսել, որպեսզի այն առաջինի ուղղությամբ իջնի։
4. Զգուշորեն բացեք հյուսքերը, որպեսզի դրանց փարթամություն հաղորդեք։

5. Փորձեք հյուսերը ամրացնել գլխին։ Ցանկության դեպքում դրանք կարող եք ամրացնել մեծ մազակալով։