Քիմ Քարդաշյանի պատասխանը՝ իր մերկ սելֆինները քննադատողներին (լուսանկարներ)

Wnews.am-ը գրում է .

Վերջին մի քանի օրվա ընթացքում Քիմ Քարդաշյանն իր միկրոբլոգում  հրապարակել էր միանգամից երկու մերկ լուսանկար: Քարդաշյանի լուսանկարները սոցիալական ցանցերում քննարկման թեմա էին դարձել. ոմանք ծաղրում էին, ոմանք էլ՝ բացահայտ դժգոհություն արտահայտում: Դժգոհողների թվում էին նաև հայտնի  դերասաններ, լրագրողներ:

«Այսօր Քիմ Քարդաշյանը տեղադրել է մերկ լուսանկար, եթե նա ուզում է մեզ զարմացնել, նա պետք է կուլ տա տեսախցիկը»,- գրել էր Բեթ Միդլերը:

«Ես գիտեմ, որ քո ամուսինը շատ պարտքեր ունի, ուզո՞ւմ ես, ես գնեմ  քեզ համար հագուստ»,- գրել էր Փիրս Մորդան:

Քիմը նախ պատասխանել էր մի քանի սարկազմիկ գրառումներով, իսկ հետո մի ամբողջ նյութ էր տեղադրել՝ բացատրելով իր դիրքորոշումը:  

Wnews.am-ը ներկայացնում է Քիմի գրառումը:

«Ինձ իսկապես զարմացնում է, որ մարդիկ այդքան անհանգստացած են, թե ով ինչ է  անում  սեփական կյանքի հետ: Ես թմրանյութ չեմ օգտագրոծում, գրեթե չեմ խմում, երբեք հանցագործություն չեմ կատարել, բայց միևնույն է ինձ համարում են ընդօրինակման  վատ օրինակ՝ միայն այն պատճառով, որ սիրում եմ իմ մարմինը: Ամեն ինչ դեռ պտտվում է այն սեքս տեսահոլովակի շուրջ, որը նկարվել է 13 տարի առաջ: 13 տարի: Այո, ես վախեցած էի, ես ամաչում էի, հետո ես որոշեցի դառնալ ավելի լավը: Ինչու ես պետք է անընդհատ պաշտպանվեմ ու բացատրություններ տամ: Դա իսկապես շատ վաղուց էր ու մարդիկ մինչև հիմա խոսո՞ւմ են այդ մասին: Ես  նույնը չեմ մնացել այս տարիների ընթացքում ու որոշել եմ առաջ շարժվել, եկեք բոլորս  առաջ շարժվենք: Ես գոհ եմ իմ մարմնից, ես ինձ սեքսուալ եմ զգում: Ես չեմ վախենում ցույց տալ իմ թերությունները և չեմ վախենում, թե մարդիկ ինչ կմտածեն իմ մասին: Իմ ամուսինն աջակցում  է ինձ , որ ես ինձ ավելի ինքնավստահ զգամ: Նա ինձ սիրում է այնպիսին, ինչպիսին  կամ ու ես ուզում եմ իմ օրինակով ոգեշնչեմ կանանց:  Արդեն  2016 թ. է ու ես չեմ պատրաստվում ապրել իմ կյանքը ելնելով ձեր՝ իմ հանդեպ վերաբերմունքից: Եղեք այնպիսին, ինչպիսն կաք և ինձ էլ թույլ տվեք լինեմ այն, ինչ կամ: Ես մայր եմ, ես կին եմ, քույր եմ , դուստր եմ, ձեռնարկատեր եմ ու ես կարող եմ թույլ տալ ինձ լինել սեքսուալ»։